Rabini i Shqipërisë, Yisroel Finman takon Z.Paul Packer, kryetarin e Trashëgimisë Amerikane në botë

Rabini i Shqipërisë, Yisroel Finman, pati një takim pune me Z.Paul Pakcer, kryetari i Komisionit të Shteteve të Bashkuara për Ruajtjen e Trashëgimisë në Botë.. Më 6 mars 2018, Kryeministri Edi Rama gjatë një vizite në SHBA u nderua me Çmimin për Pluralizmin Kulturor, nga Z.Packer në një ceremoni të posaçme në Shtëpinë e Bardhë


Rabini i Shqipërisë, Yisroel Finman, pati një takim pune me Z.Paul Pakcer, kryetari i Komisionit të Shteteve të Bashkuara për Ruajtjen e Trashëgimisë në Botë.

Takimi u zhvillua në ambientet e Mak Albania Hotel, në Tiranë, dhe tema e bisedimeve ishte rreth hebrenjve në Shqipëri dhe marrëdhënieve historike midis shqiptarëve dhe hebrenjve, ku kapitulli më i ndritur është ai i shpëtimit të hebrenjve gjatë Holokaustit.

“Paul Packer, Kryetar i Komisionit të Shteteve të Bashkuara për Ruajtjen e Trashëgimisë Amerikane jashtë vendit, prezantoi Kryeministrin Edi Rama me Çmimin për Pluralizëm Kulturor për përkushtimin e tij ndaj kujtimit të Holokaustit. Kryetari Packer tha: “Jemi të kënaqur që çmimin e Pluralizmit Kulturor i japim kryeministrit Edi Rama për kontributin e shquar të Shqipërisë në fushat e kujtimit të Holokaustit, duke siguruar të vërtetën historike dhe ruajtjen e vendeve që kanë të bëjnë me trashëgiminë e qytetarëve amerikanë. Kryeministri Rama, së bashku me qeverinë e tij, ka ndërtuar mbi trashëgiminë e Shqipërisë gjatë Holokaustit për të mbrojtur qytetarët e saj dhe ka punuar pa pushim për të ruajtur kujtimin e Holokaustit”, shkruan rabini Finman në faqen e tij në Facebook.

Në 6 mars 2018, Kryeministri Edi Rama u nderua me Çmimin për Pluralizmin Kulturor, gjatë vizitës së tij në Shtetet e Bashkuara të Amerikës. Ky çmim iu dorëzua Kryeministrit Rama nga i emëruari i Presidentit Trump në krye të Komisionit për Mbrojtjen e Trashëgimisë Amerikane në Botë, Paul Packer, në një ceremoni të posaçme të organizuar në Shtëpinë e Bardhë.

Çmimi u akordua me motivacionin “Për angazhim të veçantë në ruajtjen e kujtesës së Holokaustit dhe mbrojtjen e të vërtetës historike, promovimin e ruajtjes së vlerave kulturore të trashëgimisë së popullit amerikan.”

Kompania izraelite LR Group, projekt investimesh në Shqipëri

Ministri i Ekonomisë, Kulturës dhe Inovacionit, Blendi Gonxhja, priti Ambasadoren e Izraelit në Shqipëri, Galit Peleg.

Izrael

Fyejti Holokaustin, Izraeli shpall “non grata” presidentin e Brazilit

Kryeministri Benjamin Netanyahu i përshkroi fjalët e presidentit Luiz Inácio Lula da Silva si “të turpshme”.

Shqipëri

Dita Ndërkombëtare e Gruas, ambasadorja Kumbe fjalim në Universitetin e Haifës

Ambasadorja e Shqipërisë në Izrael, Meri Kumbe, ishte e ftuar të fliste në Universitetin e Haifës në kuadër të Ditës…

Kosove

Ceremoni solemne në Prishtinë, për Ditën Përkujtimore të Holokaustit

Marin pjesë Presidentja Osmani, kryeministri Kurti dhe ambasadorja e Izraelite në Kosovë, Tamar Ziv.

OPED

Populli ynë ka qenë dhe do të mbetet krah popullit hebre

Sot shënohet Dita e Përkujtimit të Holokaustit, ditë që përbashkon gjithë botën në kujtim të viktimave

Bota

Shuhet legjenda e diplomacisë amerikane, Henry Kissinger

Vdiq në moshën 100-vjeçare. Kissinger dominoi politikën e jashtme të SHBA në kulmin e Luftës së Ftohtë.

Spyzone

Ushtria e Izraelit rrethon komandën qëndrore të Hamasit

Marina gjithashtu kreu dhjetëra sulme përgjatë bregut të Gazës, duke ndihmuar forcat tokësore.