Albion Bikliqi: Vizita ime në Izraelin e dijes, teknologjisë dhe sigurisë kibernitike

Eksperti i Sigurisë Kibernetike dhe CEO, Co-Founder në TRINIA LLC, Albion Bikliqi, tregon përvojën dhe pjesëmarrjen e tij në Konferencën “Cyber Week 2019” të zhvilluar në Tel Aviv


Nga Albion Bikliqi

Gjithnjë kam pasur dëshirë të udhëtoj në vende të ndryshme dhe të vizitoj kultura të ndryshme si fëmijë. Rasti i parë që të punoj në një ambient ku të gjithë kishin ardhur nga të gjitha kontinentet ishte puna ime pas konfliktit të 1999 në Kombet e Bashkuara, Misioni Paqeruajtës në Kosovë.

Takimi im i parë me njerëz të ngjyrave të ndryshme, besimeve të ndryshme dhe kulturave të ndryshme, ajo që më bënte kureshtarë ishte gjithnjë në fillim se çfarë njerëz janë këta ndërkombëtarët, përgjigjën e gjeta vetë gjatë punës së përbashkët, dukjen e kishim të njëjtë, njerëz ishim dhe idetë i kishim pothuajse të njëjta, paqe dhe dituri, kjo ishte që na bënte të bashkuar dhe harruam të pyesnim njëri-tjetrin se çfarë besimi i takonim. Sot e kësaj dite ende nuk kam ide se çfarë besimi ishin gjithë ata kolegë, shokë, bashkëpunëtorë sepse më e rëndësishmja na bënte bashkë, paqja dhe dituria.

Udhëtimi im për në Izrael ishte për çështje pune, por doli që edhe kjo u kthye në një përvojë të mirë diturie. Me arritjen time në Izrael, saktësisht në Tel Aviv, disi ndjeva ngrohtësi në shpirtin tim fillimisht dhe ajo u shoqërua me pritjen e mirë nga njerëz të panjohur, por ama vetëm se e kuptuan se jam nga Kosova, u ndjeva shumë i privilegjuar kur me çdo njërin që takoja pasi kuptonin se jam nga Kosova më thoshin “Kosovo-Albania, brother welcome”, kjo ishte fjala e parë që dëgjoja.

U mahnita me ndërtimin, rregullin dhe teknologjinë për sigurinë në aeroport e në rrugë. Ndoshta mund të thoni se pse po e përmend sigurinë? Kjo mund të jetë dobësi profesionale, sepse paqen e dua shumë dhe profesioni im është siguria për njerëzit.

Pasi mbërrita në Tel Aviv dhe u mahnita me mikpritjen, teknologjinë, sigurinë dhe rregullin, kërkova të shijoj ushqimin vendas, e që emrin e kishte ‘Shawarma’ e që u bënë katër muaj dhe shijen dhe aromën e mirë ende e kam në ndjesi.

Vazhduam te banesa për të pushuar pakëz dhe më pastaj për të shkuar në konferencën “Cyber Week 2019” (23-27 qershor 2019) për teknologjinë dhe sigurinë e cila organizohet nga Universiteti i Tel Aviv. Aty pjesëmarrës do ishin përmbi 8000 persona që do përfaqësonin kompanitë dhe idetë e tyre për teknologjinë dhe sigurinë. Prita që do jetë shumë tollovi dhe se duhet të shkojmë më herët për të pritur në rend!

Mbërritëm tek Universiteti ku edhe do mbahej konferenca dhe thash, ‘ej mos kemi gabuar gjë godinën sepse nuk paska njerëz fare duke pritur’, bashkudhëtari im filloj të buzëqeshë dhe thotë, vazhdojmë se mirë jemi mos ke merak. U futëm në oborrin e Universitetit dhe pash ca njerëz në hyrje dhe fare tollovi, teknologjia e bënte të vetën dhe personeli i angazhuar ishte shumë profesional dhe kaluam brenda shumë shpejt, u mahnita me punën dhe profesionalizmin që bënin, u mahnita me pritjen në konferencë.

Konferenca kishte mbledhur njerëz shumë të rëndësishëm dhe u diskutuan teknologjitë e ndryshme nga vende të ndryshme të botës, u diskutua për sigurinë kibernetike dhe disi kisha dëshirë të dalë në skenë dhe të them po ashtu është edhe unë mendoj njëjtë, idetë dhe diskutimet më flinin në zemrën time dhe mbilleshin aty.

Fjalimi i kryeministrit të shtetit të Izraelit, Benjamin Netanyahu, pastaj Organizata të ndryshme të sigurisë dhe idetë për të ardhmen e sigurt ishin shumë ‘fascionuese’ për mua dhe premtuese për zhvillim ekonomik dhe teknologjik edhe në vendin tim.

Përshtypje më së shumti më bëri edhe profesori i nderuar Isaac Ben Israeli, 70-vjeçar, shkencëtar i kibernetikës, marrë nga burimi wikipedia –  “(Professor Isaac Ben-Israel is an Israeli military scientist, general and ex-politician. He currently serves as the chairman of the Israeli Space Agency and the National Council for Research and Development, under the auspices of the Ministry of Science, Technology and Space of Israel. Born: July 26, 1949 (age 70 years), Tel Aviv-Yafo, Israel)”  SOURCE: Wikipedia.

Eksperienca ime në Izrael nuk mbaroi me Tel Avivin, unë vizitova pas konferencës edhe Jerusalemin, vendin ku filloi njerëzimi, vendin ku filloi mësimi, vendin ku filloi të përhapej dituria.

Ndjeva dhe ende ndjej një afërsi shpirtërore me atë vend, një vend ku mund të ndjeje frymën e para 2000 viteve dhe shihje teknologjinë e së ardhmes. Qyteti i vjetër i Jerusalemit shfaqte lashtësi pa ndryshime në arkitekturë por në anën tjetër teknologji të së ardhmes.

Unë shpresoj se, së shpejti do të më jepet mundësia të vizitoj Izraelin përsëri dhe të vazhdoj të thith diturinë nga atje dhe ta sjell në vendin tim, Kosovë.

* Albion Bikliqi
Ekspert i Sigurisë Kibernetike
CEO, Co-Founder në TRINIA LLC

 

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

IZRAEL

“Ionoterra” testohet në Ballkan, sistemi izraelit paralajmëron për tërmet 8 orë para

Kompania izraelite Ionoterra, e cila zhvilloi sistemin dhe e zbuloi zyrtarisht në Rumani të Premten, 29 Nëntor, pretendon se mund…

SHQIPËRI

Inspektimi i pallateve të dëmtuara, ministri Çuçi në terren me ekspertët nga Izraeli

Drejtuesi qëndror i zyrës Operacionale për Menaxhimin e Fatkeqësisë Natyrore, ministri Fuqiplotë Bledi Çuçi, inspektoi ditën e sotme bashkë me…

KOSOVA

Kryeministri Haradinaj pret në takim investitorë nga Izraeli dhe Shqipëria

Kryeministri në detyrë i Kosovës, Ramush Haradinaj, pret në takim investitorët nga Izraeli dhe Shqipëria, Eitan Bar Zeev, Nimrod Rinot,…

INTERVISTA

Ambasadori Gendler: Shqipëria duhet të ndjekë shembullin e Izraelit

Ambasadori i Izraelit në Shqipëri, Noah Gal Gendler, dha një intervistë për emisionin Diplomaticus të gazetarit Erion Kaçorri në News24

MILIARDERËT

Roman Abramovich blen shtëpi 63 milionë dollarë në Izrael

Miliarderi ruso-izraelit, Roman Abramovich, është i vendosur të blejë një shtëpi në Herzliya për 63 milionë dollarë nga menaxherja e…

SPYZONE

Yossi Cohen: Kryespiuni i Mossad që vodhi arkivat sekrete bërthamore të Iranit

Gazeta e madhe izraelite "Jerusalem Post" e ka përzgjedhur shefin e Mossad, Yossi Cohen, si numrin 1 nga 50 hebrenjtë…