Këshilli Europian dënon antisemitizmin, Kongresi Botëror i Hebrenjve: Hap i rëndësishëm!
Dënimi është një “hap i rëndësishëm përpara për ta bërë Evropën një vend më të mirë për hebrenjtë”, tha presidenti i Kongresit Botëror të Hebrenjve, Ronald S. Lauder.
Nga JEREMY SHARON, The Jerusalem Post
Këshilli Europian dënoi antisemitizmin të Premten dhe mirëpriti miratimin e një deklarate nga Këshilli i Bashkimit Europian që e bën luftën kundër antisemitizmit nëpër fushat e politikave kryesore.
“Këshilli Europian dënon të gjitha format e sulmeve ndaj lirive të shprehjes dhe fesë ose besimit, duke përfshirë antisemitizmin, racizmin dhe ksenofobinë, dhe nënvizon rëndësinë e luftimit të nxitjes së urrejtjes dhe dhunës, si dhe intolerancës“, lexohet në një përmbledhje të takimit në të cilën u bë dënimi.
Këshilli, një organ i rëndësishëm legjislativ në BE, miratoi një deklaratë në 2 dhjetor duke shprehur shqetësim mbi përhapjen e antisemitizmit në Europë, duke u bërë thirrje vendeve anëtare të miratojnë një seri politikash për të luftuar fenomenin.
Deklarata nga këshilli, e cila përfshin ministra nga 27 vendet anëtare të BE, tha se është “përgjegjësia jonë e përhershme, e përbashkët për të mbrojtur dhe mbështetur në mënyrë aktive jetën hebraike“, ndërsa vuri në dukje se “antisemitizmi në të gjitha format e tij është gjithnjë e më i përhapur në Europë”.
“Rritja e kërcënimeve ndaj personave hebrenj në Europë, duke përfshirë ringjalljen e miteve të konspiracionit, shprehjet publike të antisemitizmit – veçanërisht në kontekstin e pandemisë COVID-19 – dhe një rritje të incidenteve antisemitike dhe krimit të urrejtjes, është një shkak i shqetësimit të madh,” thekson deklarata.
Deklarata bëri thirrje gjithashtu për përdorimin e përkufizimit të punës së antisemitizmit nga Aleanca Ndërkombëtare e Përkujtimit të Holokaustit për të ndihmuar qeveritë dhe OJQ-të që t’i përgjigjen vazhdimisht antisemitizmit në të gjithë kontinentin, megjithëse vuri në dukje se përkufizimi i IHRA nuk është ligjërisht i detyrueshëm.
Kongresi Botëror i Hebrenjve (World Jewish Congress) e përshëndeti deklaratën, me presidentin e WJC, Ronald S. Lauder, i cili e quajti atë një “hap të rëndësishëm përpara për ta bërë Europën një vend më të mirë për hebrenjtë”.
Kongresi vuri në dukje se ky hap u mor nën presidencën gjermane të këshillit, duke shpjeguar se ai është kuptimplotë pjesërisht sepse ministrat që përbëjnë Këshillin Europian kanë autoritetin të “angazhojnë qeveritë e tyre për veprimet e rëna dakord nga këshilli“, të cilat WJC duke thënë se këshilli është “organi kryesor vendimmarrës i BE“.
“Europa ka një problem serioz dhe të tmerrshëm antisemitizmi dhe është koha që Bashkimi Europian, shtetet e saj anëtare dhe autoritetet lokale t’i drejtojnë burime reale asaj,” tha Lauder. “Miratimi i kësaj deklarate nga Këshilli Europian demonstron se Gjermania në Këshillin e saj të presidencës së Bashkimit Europian, si dhe udhëheqja e BE si një e tërë, njohin rrezikun që krijojnë antisemitizmi dhe urrejtja – dhe kërcënimin për shoqërinë dhe sigurinë kur lihet e pa adresuar “.
Burimi: The Jerusalem Post