Ambasadorja e Kosovës në Izrael, Ines Demiri, vizitoi “Qendrën Peres për Paqe dhe Inovacion”, në qytetin Jaffa të Shtetit të Izraelit.

Kryediplomatja kosovare zhvilloi një takim me Nadav Tamir, ish-diplomat izraelit, tani drejtor ekzekutiv në grupin liberal jofitimprurës të avokimit “J Street”, në Izrael, si dhe këshilltar i lartë për çështje qeveritare ndërkombëtare në Qendrën Peres për Paqe dhe Inovacion.

Kjo organizatë është themeluar më 1966 nga Laureati i Paqes dhe ish-Presidenti i ndjerë izraelit, z. Shimon Peres.

“Z.Tamir më informoi për programet bashkëkohore të kësaj qendre në fushat e inovacionit, sportit, kultivimit të lidershipit e sipërmarrjes, shëndetësisë, biznesit dhe mjedisit. Këto programe zbatohen me një rrjet të partnerëve vendorë, rajonalë dhe ndërkombëtarë. I mirëpres bashkëpunimin e ngushtë dhe shkëmbimet ndërmjet Qendrës Peres për Paqe dhe Inovacion dhe organizatave kosovare të fushave përkatëse”, shkruan Demiri në postimin e saj në rrjetet sociale.