Teknologjia ultramoderne ushtarake, gjenerata e pestë të raketave “SPIKE” prezantohet në Shqipëri

Forcat e Armatosura Shqiptare kanë shansin real të modernizohen me gjeneratën e pestë të raketave SPIKE, të prodhuara nga “Eurospike” në Gjermani. Disa nga variantet e raketave SPIKE u prezantuan në Tiranë nga përfaqësuesit e kompanisë “Eurospike”


Nga Aurora Golemi, News 24

Forcat e Armatosura Shqiptare kanë shansin real të modernizohen me gjeneratën e pestë të raketave SPIKE, të prodhuara nga “Eurospike” në Gjermani. Nëse do t’i posedojë, Shqipëria do të rreshtohej në krah të shumë vende të Aleancës që i ka në përdorim, duke rritur prestigjin dhe kapacitetet e mbrojtjes

Raketat e familjes SPIKE përbëhen nga disa variante, të gjitha të inkorporuara ne teknologjinë më të fundit të armatimit, me precizion tepër të lartë dhe me rreze të gjatë veprimi

Disa nga variantet e raketave SPIKE u prezantuan në Tiranë nga përfaqësuesit e kompanisë “Eurospike” .

I pyetur nga News 24, menaxheri drejtues në “Eurospike” Guenter Lauer tha se po promovojnë produktet e tyre luftarake dhe se nga Ministria shqiptare e Mbrojtjes nuk kanë marrë zyrtarisht asnjë kërkesë formale për të pajisur Forcat e Armatosura Shqiptare me raketa të tilla deri në këto momente.

Por, a ka treguar interes Ministria e Mbrojtjes për të blerë raketa të familjes “SPIKE” deri në këto momente?

“Aktualisht ne nuk kemi marrë asnjë kërkesë zyrtare nga Ministria shqiptare e Mbrojtjes. Jemi këtu për të marketuar produketet tona, jemi afruar me disa vende në Ballkan si me Slloveninë apo Kroacinë e cila është ne fakt kliente jona. Është interesante që të gjitha vendet e Ballkanit të kenë sisteme të tilla. E kemi nisur nga Shqipëria, për të parë nëse Forcat tuaja të Armatosura kanë nevojë për to. Jemi duke u përpjekur të zbulojmë nëse dikush nga ushtria do ta konfirmojë këtë. Është një mundësi për Forcat e Armatosura Shqiptare për të pasur në të ardhmen këtë sistem”,-tha gjatw intervistws ne News 24, menaxheri drejtues në “Eurospike”, Guenter Lauer

Raketat “SPIKE” të cilat janë elektro-optike, mund të integrohen në 45 platforma të ndryshme si blinda, helikopterë dhe anije luftarake por mund të transportohen lehtësisht nga këmbësoria pasi pesha shkon deri në disa kilogramë. Ridrejtimi i kursit ndaj objektivit është një nga pikat më të forta.

Deri më sot 30 mijë me raketa kanë furnizuar 36 vende të botës, përfshire edhe shumë shtete vende anëtare të NATO-s, Raketat përfshirë ato tip LR2 apo ER2 kanë dhënë mbi 5000 herë prova edhe në luftime se çfarë kapaciteti dhe fuqie shkatërruese kanë.

“EuroSpike” u krijua ne vitin 2004 dhe ka në përbërje Rafael Advanced Defense Systems Ltd, Diehl dhe Rheinmetall Electronics.

Muzeu Hebraik në Vlorë, Rama: Shpëtimi i hebrenjve, një prej faqeve më të arta të historisë së shqiptarëve

Projekti fitues për muzeun u prezantua nga studio e njohur izraelite “Kimmel Eshkolot Architects”.

Izrael

Putin i kërkon falje Izraelit për deklaratën e Lavrovit se “Hitleri kishte gjak hebre”

Vladimir Putin ka kërkuar falje për deklaratën e shefit të diplomacisë ruse, Sergei Lavrov, i cili pati thënë se “Hitleri,…

Shqipëri

Muzeu Hebraik në Vlorë, Rama: Shpëtimi i hebrenjve, një prej faqeve më të arta të historisë së shqiptarëve

Projekti fitues për muzeun u prezantua nga studio e njohur izraelite “Kimmel Eshkolot Architects”.

Kosove

“Marrëveshjet Abraham”, ambasadorja Ines Demiri fjalim për arritjet dhe përfitimet Kosovë-Izrael

Ambasadorja e Kosovës në Izrael, Ines Demiri, mori pjesë takimin e radhës të Grupit të Knessetit për Promovimin e "Marrëveshjeve…

OPED

Pesë mrekullitë e Izraelit

Izraeli nuk u mjaftua vetëm për mbijetesën. Ai synonte shumë më lart - të lulëzonte

Bota

Britania e Madhe e shpall Hamasin organizatë terroriste

Çdo anëtar i organizatës dhe ata që e mbështesin atë brenda Britanisë së Madhe, mund të dënohen me burgim deri…

Spyzone

Çfarë mund të mësojnë Izraeli dhe fuqitë e tjera ushtarake nga Lufta Rusi-Ukrainë

Fleksibiliteti, logjistika dhe përdorimi i armëve inovative janë çelësat e fitores.