Pas 14 vitesh, presidenti izraelit viziton Turqinë


Presidenti i Izraelit, Isaac Herzog nisi sot një vizitë dy-ditore në Turqi, duke shënuar një përmirësim në marrëdhëniet që kanë qenë të tensionuara për më shumë se një dekadë. Korrespodenti i Zërit të Amerikës, Dorian Jones njofton nga Stambolli

Vizita e presidentit izraelit Isaac Herzog në Ankara është shenja më domethënëse e përpjekjeve për afrim mes dy vendeve.

Turqia tërhoqi ambasadorin e saj në vitin 2018 në shenjë proteste ndaj sulmeve të Izraelit në Rripin e Gazës. Por Ankaraja po kërkon të normalizojë marrëdhëniet.

“Turqia dëshiron të kapërcejë izolimin e saj rajonal. Për shkak të hapave të gabuar në politikën e jashtme, ka mbetur jashtë lidhjeve të aleancës në Mesdheun Lindor dhe në Lindjen e Mesme. Vakumi që krijoi Turqia u dha mundësi forcimi vetëm rivalëve të saj rajonalë”, mendon Selin Nasi, analiste e politikës.

Ka pasur protesta të vogla nga mbështetësit e palestinezëve përpara vizitës së presidentit izraelit. Presidenti turk Rexhep Tajip Erdogan ka qenë një mbështetës i fortë i çështjes palestineze.

Zoti Herzog pritet të ngrejë shqetësimet izraelite se Stambolli është bërë një bazë për Hamasin, për të organizuar sulme kundër tij. Por analistët thonë se zyrtari izraelit do të jetë i kujdesshëm. Qëllimi është që Izraeli të përmirësojë lidhjet me Turqinë.

“Në thelb, Izraeli e pranon rolin e rëndësishëm që ka Turqia në Lindjen e Mesme. Është një vend i madh, një fuqi e madhe. Kërcënimi kryesor i Izraelit në Lindjen e Mesme është kërcënimi iranian; nuk i duhen të gjitha këto tensione me Turqinë; nuk është e dobishme për të”, thotë Gallia Lindenstrauss, nga Instituti për Studime të Sigurisë Kombëtare.

Shqetësimi kryesor i Izraelit është programi i energjisë bërthamore i Iranit dhe ndikimi në rritje iranian në rajon. Ankaraja gjithashtu e sheh këtë si problem të përbashkët.

“Presidenti Erdogan, në të kaluarën ka shprehur shqetësimet e tij për këtë, për ndikimin iranian. Ky shqetësim vazhdon të jetë”, thotë Ilnur Cevik, këshilltar i presidentit.

Energjia është një fushë tjetër e bashkëpunimit. Turqia është një treg potencial për gazin natyror izraelit. Analistët thonë se Ankaraja i sheh lidhjet e mira me Izraelin si mundësi për përmirësimin e marrëdhënieve me Uashingtonin.

“Turqia ka përfituar jashtëzakonisht shumë nga mbështetja e lobit izraelit në Kongresin Amerikan dhe duke pasur parasysh faktin se marrëdhëniet e Turqisë me Kongresin Amerikan, në veçanti, janë goxha problematike. Padyshim që ka një përpjekje për të rindërtuar koalicionin që ndihmoi politikisht Turqinë në Kongresin Amerikan”, thotë profesori Soli Ozel.

Uashingtoni ka mirëpritur përpjekjet për marrëdhënie të mira mes këtyre dy vendeve. Vizita e zotit Herzogut shihet si hapi i parë. Analistët thonë se një shenjë e suksesit të kësaj vizite do të jetë nëse të dyja palët bien dakord për një takim të ardhshëm midis presidentit turk Erdogan dhe kryeministrit izraelit Naftali Bennett. /VOA/

Rama: Izraeli nuk ka ujë, por është vendi me sistemin më ekselent të furnizimit me ujë dhe të ujitjes në bujqësi

Kryeministri Edi Rama mori pjesë në konferencën për “Teknologjinë dhe Inovacionin në Bujqësi dhe Blegtori”

Izrael

Izraeli i shqetësuar për programin bërthamor iranian

Izraeli është i gatshëm të përdorë “të drejtën për vetëmbrojtje” për të parandaluar Iranin të zhvillojë armët bërthamore, tha kryeministri…

Shqipëri

Rama: Izraeli nuk ka ujë, por është vendi me sistemin më ekselent të furnizimit me ujë dhe të ujitjes në bujqësi

Kryeministri Edi Rama mori pjesë në konferencën për “Teknologjinë dhe Inovacionin në Bujqësi dhe Blegtori”

Kosove

Bashkëpunimi në fushën e Sigurisë dhe Mbrojtjes midis Kosovës dhe Izraelit, Demiri takon gjeneralmajorin Eiland

Ambasadorja e Kosovës në Izrael, Ines Demiri, zhvilloi një takim me Gjeneralmajorin (në pension) e Forcave të Mbrojtjes të Izraelit,…

OPED

Pesë mrekullitë e Izraelit

Izraeli nuk u mjaftua vetëm për mbijetesën. Ai synonte shumë më lart - të lulëzonte

Bota

Britania e Madhe e shpall Hamasin organizatë terroriste

Çdo anëtar i organizatës dhe ata që e mbështesin atë brenda Britanisë së Madhe, mund të dënohen me burgim deri…

Spyzone

Çfarë mund të mësojnë Izraeli dhe fuqitë e tjera ushtarake nga Lufta Rusi-Ukrainë

Fleksibiliteti, logjistika dhe përdorimi i armëve inovative janë çelësat e fitores.