Diplomacia e “ëmbël” e Izraelit në Kosovë

Viti 2022 konsolidoi edhe më tej marrëdhëniet e shkëlqyera midis Kosovës dhe Izraelit.


Diplomacia izraelite në Kosovë në vitin 2022 e parë me ambasadore Tamar Ziv ka rezultuar një sukses i jashtëzakonshëm, me takimet e tyre të shumta zyrtare dhe jozyrtare, por edhe si të mundësive që ofron biznesi dhe turizmi. Ambasadorja Tamar Ziv u emërua në detyrë, më 29 dhjetor 2021. Kosova dhe Izraeli kanë vendosur marrëdhëniet diplomatike më 1 shkurt 2021, pas marrëveshjes së 4 shtatorit në Uashington ndërmjet Kosovës e Serbisë.

Marrëdhëniet mes Izraelit dhe Kosovës nuk filluan pothuajse dy vjet më parë kur ne vendosëm marrëdhëniet diplomatike zyrtarisht. Ata filluan shumë vite më parë. Izraeli ishte vendi i parë që gjatë luftës së viteve 1998-1999 themeloi një spital fushor në kufirin me Maqedoninë, i cili trajtonte mijëra refugjatë kosovarë.

Gjatë një viti janë realizuar vizita ministrore të ministrave kosovarë në shtetin e Izraelit, të udhëhequra nga vizita e zëvendëskryeministrit dhe ministrit të Jashtëm H.E. znj. Donika Gërvalla-Schwarz, si dhe një vizitë e një ministri izraelit në Kosovë. Gjatë këtyre vizitave u nënshkruan marrëveshje të ndryshme, mes tyre në fushën e arsimit, kulturës, zhvillimit ndërkombëtar, arkivave dhe studimeve të Holokaustit.

Portali IzraeliSot.com sjell një panoramë të aktiviteteve të Ambasadës së Izraelit në Kosovë, përgjatë vitit 2022.

***

5 prill – Kryetari i Kuvendit të Republikës së Kosovës, Glauk Konjufca, i shoqëruar nga këshilltarët, ka pritur sot në takim Ambasadoren e Jashtëzakonshme dhe Fuqiplotë të Shtetit të Izraelit në Kosovë, Tamar Ziv. Konjufca vuri në pah raportet miqësore mes shqiptarëve dhe hebrenjve përgjatë historisë dhe u shpreh me mirënjohje për kontributin e Shtetit të Izraelit në strehimin e refugjatëve kosovarë të luftës.

5 prill – Ministrja e Arsimit, Shkencës, Teknologjisë dhe Inocacionit, Arbërie Nagavci, priti ambasadoren e Izraelit në Kosovë, Tamar Ziv. U diskutua për bashkëpunimin, posaçërisht në fushën e edukimit dhe të arsimit.

5 prill – Kryeministri i Republikës së Kosovës, Albin Kurti, ka pritur sot në takim ambasadoren e Izraelit në Kosovës, znj.Tamar Ziv. Në këtë takim u konfirmua gatishmëria e të dy shteteve për të zgjeruar e thelluar bashkëpunimin. U bisedua për mundësitë konkrete të bashkëpunimit në fushat e ekonomisë, bujqësisë, arsimit dhe kulturës. Kurti, është ftuar për vizitë në Izrael nga ambasadorja e këtij vendi në Kosovë, Tamar Ziv.

6 prill – Ministri i Administrimit të Pushtetit Lokal z. Elbert Krasniqi ka pritur Ambasadoren e Izraelit në Kosovë, Tamar Ziv. gjatë këtij takimi Ministri Krasniqi, ka njoftuar Ambasadoren Ziv për iniciativat, projektet dhe prioritetet e MAPL duke përfshirë binjakëzimin e Komunave të Kosovës dhe Izrealit si mundësi e bashkëpunimit në fushën e zhvillimit lokal.

6 prill – Ministri i Shëndetësisë, Rifat Latifi, të mërkurën është takuar me ambasadoren e parë të Izraelit në Kosovë, Tamar Ziv. Temë diskutimi në këtë takim ishte bashkëpunimi mes dy vendeve në sektorin e shëndetësisë.

6 prill – Presidentja e Republikës së Kosovës, Vjosa Osmani-Sadriu, sot ka pranuar letrat kredenciale nga ambasadorja e parë e shtetit të Izraelit në Republikën e Kosovës, Tamar Ziv. Presidentja kërkoi që Izraeli t’i heqë përfundimisht vizat për shtetasit e Kosovës. Presidentja Osmani ka rikujtuar raportet miqësore me popullin izraelit edhe përpara vendosjes së marrëdhënieve diplomatike.

30 maj – Ministri i Bujqësisë, Pylltarisë dhe Zhvillimit Rural, Faton Peci priti sot në takim Ambasadoren e parë të Izraelit në Kosovë, Tamar Ziv, me të cilën ka biseduar rreth thellimit të bashkëpunimit dhe krijimit të mundësive me qëllim të zhvillimit të sektorit të bujqësisë në Kosovë.

8 gusht – Zëvendëskryeministri për Integrim Evropian, Zhvillim dhe Dialog, Besnik Bislimi, priti në takim ambasadoren e Izraelit në Kosovë, Tamar Ziv. Bislimi dhe ambasadorja Ziv biseduan mbi thellimin e marrëdhënieve mes dy vendeve dhe avancimin e partneritetit dhe bashkëpunimit mes tyre. U diskutua mbi mundësi të bashkëpunimit në fusha të ndryshme, nga shëndetësia deri te investimet për ujësjellësit dhe furnizimin me ujë të pijshëm.

9 gusht – Kryetari i Aleancës për Ardhmërinë e Kosovës (AAK), Ramush Haradinaj ka pritur sot në takim ambasadoren e Izraelit, Tamar Ziv. U bashkëbisedua për intensifikimin e mëtejmë të raporteve bilaterale mes dy vendeve dhe popujve.

9 gusht – Kryetari i Odës Ekonomike të Kosovës, Lulzim Rafuna, ka pritur sot Ambasadoren e Izraelit, Tamar Ziv me të cilën ka biseduar për bashkëpunimin ekonomik në mes dy vendeve, me theks të veçantë në mundësitë për të thelluar këtë bashkëpunim.

10 gusht – Kryetari i Lidhjes Demokratike të Kosovës Lumir Abdixhiku, sot ka pritur në takim ambasadoren e Izraelit në Kosovë, Tamar Ziv. Gjatë takimit u diskutua edhe për sfidat dhe nevojën e thellimit të bashkëpunimit mes dy vendeve, si në rrafshin politik ashtu edhe në atë ekonomik.

11 gusht – Ambasadorja e Shtetit të Izraelit në Republikën e Kosovës, Tamar Ziv, ka vizituar Bashkësinë Hebreje `Bet Izrael Kosova`. Ambasadorja e Izraelit është pritur nga Kryetari i Bashkësisë Hebreje ‘Bet Izrael Kosova’, Hysen Hyseni.

11 gusht – Mbahet ceremonia e shpërndarjes së 90 karrocave për personat me aftësi të kufizuara, donacion që po jepet për herë të dytë nga Izraeli. Të pranishëm në ceremoni ishin ambasadorja e Izraelit në Kosovë, Tamar Ziv, drejtori i HANDIKPSI’it, Afrim Maliqi dhe ministri i Administrimit të Pushtetit Lokal, Elbert Krasniqi. Ambasadorja Ziv deklaroi se këto karroca janë të dedikuara enkas për këta fëmijë.

20 tetor – Ministri i Financave, Punës dhe Transfereve, Hekuran Murati, ka pritur sot në takim njoftues ambasadoren e Izraelit në Kosovë, Tamar Ziv. Gjatë takimit është biseduar për marrëdhëniet dypalëshe dhe mundësitë e thellimit të bashkëpunimit në fusha me interes për të dyja palët, me fokus të veçantë në fushën e teknologjise informative, menaxhimit të ujërave dhe bujqësisë.

21 tetor – Zëvendësministrja e Arsimit, Shkencës, Teknologjisë dhe Inovacionit, Edona Maloku Bërdyna priti në takim ambasadoren e Izraelit në Kosovë, Tamar Ziv, e shoqëruar nga Granit Almong-Bareket nga Universiteti Ben-Gurion i Negevit. Gjatë takimit u diskutua për marrëdhëniet dypalëshe dhe mundësitë e bashkëpunimit në fushën e arsimit, në të gjitha nivelet.

18 nëntor – Ministrja e Drejtësisë, Albulena Haxhiu, ka pritur në zyrën e saj, Ambasadoren Tamar Ziv. Në këtë takim, ministrja Haxhiu e njoftoi Ambasadoren lidhur me progresin e shënuar në kuadër të reformës për sundimin e ligjit, dhe avancimin në çështje të tjera të rëndësishme në sistemin e drejtësisë.

18 nëntor – Në Qendrën e Inovacionit të Kosovës (ICK), në Prishtinë, është mbajtur Aspire Demo Day, në kuadër të raundit të dytë të Kapitullit Republika e Kosovës/Maqedonia e Veriut, një program unik që inkurajon gratë nga Kosova dhe Ballkani të bëhen sipërmarrëse dhe t’i shndërrojnë idetë e tyre biznesore në startup, përmes mentorimit nga partnerët izraelitë. Programi mbështetet nga Ministria e Punëve të Jashtme të Shtetit të Izraelit, me partneritet të përbashkët të Shkëlqesisë së Saj, Tamar Ziv, Ambasadore e Izraelit në Republikën e Kosovës dhe dhe Shkëlqesisë së Saj, Simona Frankel, Ambasadore e Shtetit të Izraelit në Republikën e Maqedonisë së Veriut, dhe me partnerë kryesorë STIKK dhe TAKT.

20 nëntor – Nis restaurimi i ndërtesës së Qendrës Kulturore Hebraike në Prizren. Për të inauguruar këto punime ishin Ministri i Kulturës, Rinisë dhe Sportit të Kosovës, Hajrulla Çeku, ambasadorja e Izraelit, Tamar Ziv, ambasadori gjerman, Joern Rohde, shefi i misionit të OSBE në Kosovë, Michael Davenport, zëvendësambasadorja e SHBA, Alyson Grunder, nënkryetari i Komunës së Prizrenit, Kujtim Gashi, Votim Demiri, kryetar i Bashkësisë Hebraike të Kosovës. Qendra Kulturore Hebraike do të vendoset në ndërtesën e ish hotel ‘Shumadija’, aset i trashëgimisë kulturore në mbrojtje të përkohshme.

21 nëntor – Kosova dhe Izraeli thellojnë bashkëpunimin në shëndetësi. U. d. Ministrja e Shëndetësisë, dr. Dafina Gexha takon dr. Odeda Benin Goren dhe Ambasadoren e Izraelit në Kosovë, znj. Tamar Ziv. U diskutua për agjencitë e menaxhimit të emergjencave dhe të institucioneve shëndetësore.

21 nëntor – Ekspertja e emergjencave shëndetësore nga Izraeli, Dr. Odeda Benin Goren, dhe Ambasadorja e Izraelit në Kosovë, Tamar Ziv, të hënën vizituan Shërbimin Spitalor Klinik dhe Universitar të Kosovës.

22 nëntor – Nën organizimin e KRCT, mbështetjen e Ambasadës së Shtetit të Izraelit në Kosovë dhe Ambasada Britanike, në Prishtinë u zhvillua një trajnim profesional katërditor SEE FAR CBT.

25 nëntor – Lansimi i kompanisë “Gold Ventures Investment Western Balkan”, një partneritet izraelito-kosovar ndërmjet Gold Ventures Investment dhe Kolegjit UBT, në Parkun e Inovacionit dhe Trajnimit (ITP) në Prizren. Lansimi i kompanisë “Gold Ventures Investment Western Balkan” në ITP u urua nga Shkëlqesia e Saj znj. Tamar Ziv, Ambasadore e Shtetit të Izraelit në Republikën e Kosovës.

22 dhjetor – Ambasadorja e Izraelit, Tamara Ziv dhe drejtori për vendet e Ballkanit, Dan Oryan, janë takuar me grupin parlamentar të miqësisë Kosovë-Izrael.

22 dhjetor – Ambasada e Izraelit bëri ndezjen e parë zyrtare të qiririt të festës hebraike të Hanukkah në Kosovë. Morën pjesë Presidentja e Republikës së Kosovës Znj. Vjosa Osmani-Sadriu, Kryeministri H.E. Z. Albin Kurti, Zëvendëskryeministrja dhe Ministrja e Punëve të Jashtme dhe Diasporës, Donika Gërvalla-Schwarz, ministra, kryetarë komunash, kryetarë të partive politike, deputetë, ambasadorë dhe anëtarë të tjerë të komunitetit diplomatik, z. Votimi Demiri, kryetar i Komunitetit Hebre të Kosovës, H.E. Ambasadori z. Dan Oryan, Drejtor i Departamentit të Ballkanit në Ministrinë e Punëve të Jashtme të Shtetit të Izraelit, dhe shumë të ftuar dhe miq të tjerë të shquar erdhën të gjithë për të marrë pjesë në këtë aktivitet.

Ambasadorja Peleg: Kryeministri David Ben-Gurion, një vizionar i madh!

Kryeministri i parë i shtetit hebre: "Në Izrael, për të qenë realist, duhet të besosh në mrekulli!"

Izrael

Presidenti Herzog: Izraeli i është mirënjohës popullit shqiptar!

Presidenti izraelit, Isaac Herzog, videomesazh Kuvendit ku shpreh mbështetjen ndaj Shqipërisë

Shqipëri

Kryerabini Yoel Kaplan: Lutem çdo ditë për Shqipërinë!

Gazeta “Izraeli Sot” zhvilloi një intervistë me kryerabinin Yoel Kaplan, në lidhje projektet e "Chabad Albania" në Shqipëri.

Kosove

Mevi Rafuna: “Love in time of Holocaust”, një histori dashurie mes shqiptarëve dhe hebrenjve

Një rrëfim dashurie mes një djali shqiptar me emrin Astrit dhe vajzës hebreje Ana, gjatë Luftës II Botërore.

OPED

“Israeli House Albania” i bëri një shërbim të jashtëzakonshëm Shqipërisë!

Për herë të parë një delegacion nga Shteti i Izraelit, i një niveli shumë të lartë erdhi në Shqipëri

Bota

Blinken dënon aktin terrorist palestinez pranë një sinagoge

Sekretari amerikan i Shtetit, Antony Blinken mbërriti sot në Tel Aviv në një kohë kur dhuna mes Izraelit dhe palestinezëve…

Spyzone

Izraeli, fuqia e tetë më e madhe bërthamore në botë

Sipas raportit, kryesojnë Rusia dhe SHBA, të ndjekura nga Kina, Franca dhe Britania e Madhe.