Arrestimi i iranianit në Gjermani, informacionin e dha Mossad

Shtetasi iranian kishte marrë cianid dhe ricin për të kryer një sulm të madh


Agjencia e spiunazhit të Izraelit, Mossad, dha informacione që çuan në arrestimin e një iraniani që planifikoi një sulm të madh në Gjermani, thuhet në një raport të dielën.

Policia gjermane arrestoi një shtetas iranian 32-vjeçar i dyshuar për marrjen e helmeve vdekjeprurëse, si cianid dhe ricin, për të kryer një sulm “të motivuar nga islamizmi”, thanë autoritetet gjermane. Burimet izraelite konfirmuan përfshirjen e Mossad-it pasi gazeta gjermane “Bild” raportoi se agjencia e inteligjencës së një vendi mik dha informacione thelbësore.

Rezidenca e të dyshuarit në qytetin Castrop-Rauxel, në Gjermaninë perëndimore, u kontrollua si pjesë e hetimit, sipas një njoftimi të përbashkët për shtyp nga zyra e prokurorit publik të Düsseldorf dhe policia e qyteteve Recklinghausen dhe Muenster. Policia gjermane ka arrestuar edhe një person të dytë, i cili rezultoi se ishte vëllai i të dyshuarit, 25 vjeç.

Të dy burrat qëndronin në Gjermani që nga viti 2015. Paralajmërimi që autoritetet lokale kanë marrë i referohej vetëm njërit prej vëllezërve, por tjetri ishte tashmë i njohur për policinë dhe ndodhej në banesë në momentin e bastisjes së policisë.

Ministri i Brendshëm i shtetit federal, ku ata banonin, tha se paralajmërimi ishte shumë konkret dhe bëri që policia të vepronte menjëherë. Zjarrfikësit dhe ekspertët kimikë u vendosën për të ndihmuar policinë duke sinjalizuar se situata ishte trajtuar që në fillim si një sulm i mundshëm terrorist.

Në Izrael, zyrtarët e sigurisë po kryejnë hetime të mëtejshme për të përcaktuar nëse i dyshuari iranian synonte të sulmonte objektiva hebreje apo izraelite. Për dy vëllezërit është lëshuar një urdhër-arresti i cili lejon autoritetet t’i burgosin ndërsa hetimet vazhdojnë. Nëse planet për sulmin rezultojnë të vërteta, dy burrat mund të përballen me një dënim nga tre deri në 15 vjet burg. Nëse vërtetohet motivi islamik pas tij, dënimi mund të jetë edhe më i gjatë.

Sipas inteligjencës së brendshme gjermane, numri i anëtarëve ose mbështetësve të kauzave islamike ra me 1.5 për qind në 28,290 persona në vitin 2021, për shkak të “ndarjes” së grupit militant Shteti Islamik. Arrestimet e së dielës vijnë një muaj pasi autoritetet gjermane arrestuan 25 anëtarë dhe mbështetës të një grupi të ekstremit të djathtë, për të cilin zyra e prokurorit tha se po planifikonte një grusht shteti të dhunshëm. /iNews24

Kompania izraelite LR Group, projekt investimesh në Shqipëri

Ministri i Ekonomisë, Kulturës dhe Inovacionit, Blendi Gonxhja, priti Ambasadoren e Izraelit në Shqipëri, Galit Peleg.

Izrael

Fyejti Holokaustin, Izraeli shpall “non grata” presidentin e Brazilit

Kryeministri Benjamin Netanyahu i përshkroi fjalët e presidentit Luiz Inácio Lula da Silva si “të turpshme”.

Shqipëri

Dita Ndërkombëtare e Gruas, ambasadorja Kumbe fjalim në Universitetin e Haifës

Ambasadorja e Shqipërisë në Izrael, Meri Kumbe, ishte e ftuar të fliste në Universitetin e Haifës në kuadër të Ditës…

Kosove

Ceremoni solemne në Prishtinë, për Ditën Përkujtimore të Holokaustit

Marin pjesë Presidentja Osmani, kryeministri Kurti dhe ambasadorja e Izraelite në Kosovë, Tamar Ziv.

OPED

Populli ynë ka qenë dhe do të mbetet krah popullit hebre

Sot shënohet Dita e Përkujtimit të Holokaustit, ditë që përbashkon gjithë botën në kujtim të viktimave

Bota

Shuhet legjenda e diplomacisë amerikane, Henry Kissinger

Vdiq në moshën 100-vjeçare. Kissinger dominoi politikën e jashtme të SHBA në kulmin e Luftës së Ftohtë.

Spyzone

Ushtria e Izraelit rrethon komandën qëndrore të Hamasit

Marina gjithashtu kreu dhjetëra sulme përgjatë bregut të Gazës, duke ndihmuar forcat tokësore.