Specialistë shqiptarë dhe kosovarë marrin leksione mbi strategjitë e Inovacionit në Izrael

Izraeli ka dëshmuar rolin e tij si lider dhe aftësinë e tij për të shndrruar idetë në procese dhe shërbime efikase dhe inovative


Specialistë, ekspertë e drejtues nga Drejtoria e Përgjithshme e Inovacionit dhe Teknologjisë së Ministrisë së Ekonomisë, Kulturës dhe Inovacionit (MEKI), Agjencia e Inovacionit dhe Ekselencës (AIE) në Shqipëri, si edhe nga Agjencia për Inovacion e Kosovës morën pjesë në “Study Tour on Israeli Innovation Strategies”, një trajnim studimor mbi strategjitë e Inovacionit në Izrael.

Ministri i Ekonomisë, Kulturës dhe Inovacionit, Blendi Gonxhja u shpreh se, fokusi do të jetë në marrjen e eksperiencave për ndërtimin e strategjisë proaktive për inovacionin dhe teknologjinë në Shqipëri e Kosovë, duke marrë shembull praktikat më të mira në këtë fushë dhe duke patur parasysh se Izraeli ka dëshmuar rolin e tij si lider dhe aftësinë e tij për të shndrruar idetë në procese dhe shërbime efikase e inovative, të cilat kanë sjellë risi e përmirësime të dukshme dhe të qëndrueshme në fusha të ndryshme si në arsim, infrastrukturë, ekonomi, financë, bujqësi, turizëm, kulturë, etj.

“Njëkohësisht, mësojmë për një kuptim gjithëpërfshirës të sistemit të inovacionit në Izrael, zbatimin e tij në adresimin e sfidave të zhvillimit, së bashku me aftësitë praktike për të iniciuar dhe mbështetur projekte me impakt ekonomik dhe social”, theksoi Gonxhja.

Ky program trajnimi 1-javor mundësohet nga MMASHAV – Agjencia Izraelite për Bashkëpunim dhe Zhvillim Ndërkombëtar dhe MTCT-MASHAV The Golda Meir Carmel Training Center – Qendra e Trajnimeve Carmel.

Kjo agjenci fokuson aktivitetet në ngritjen e kapaciteteve njerëzore dhe “trajnim e trajnerëve” duke ndarë me vendet e tjera, përvojën, eksperiencën si dhe teknologjitë inovative dhe metodologjitë avangard të provuara, nënvizoi Gonxhja.

Gjatë këtij trajnimi profesional do të vizitohen insitucionet elitë izraelite të sektorit të Inovacionit, Teknologjisë dhe Zhvillimit në qytetet e Haifa, Tel-Aviv, Jerusalem.

Nëpërmjet këtij programi gjithashtu do të ngrihen ura të reja bashkëpunimi mes vendeve tona në këtë sektor strategjik e prioritar, shtoi Gonxhja, i cili falënderoi ambasadoren e Izraelit në Tiranë, Galit Peleg. (ATSH)

Ambasadorja e Izraelit: Shqipëria, shembull i bukur tolerancës ndërfetare

Ambadasadorja e Izraelit në Shqipëri, Galit Peleg, ka qenë e ftuar në disa darka iftari të organizuar në Tiranë.

Izrael

Izraeli, rekord eksportesh prodhime ushtarake në 2023

Kompanitë izraelite të mbrojtjes nënshkruan porosi të reja eksporti me vlerë rekord 13.073 miliardë USD në vitin 2023

Shqipëri

Mazniku pret ministrin izraelit: Të vendosur për thellimin e marrëdhënieve dypalëshe

Ministri i Shtetit për Pushtetin Vendor, Arbjan Mazniku pret ministrin e Brendshëm i Izraelit, Moshe Arbel

Kosove

Osmani: Kosova dënon sulmin e Iranit ndaj Izraelit

Presidentja e Kosovës, Vjosa Osmani, ka reaguar pas sulmit të Iranit ndaj Izraelit natën e kaluar.

OPED

Populli ynë ka qenë dhe do të mbetet krah popullit hebre

Sot shënohet Dita e Përkujtimit të Holokaustit, ditë që përbashkon gjithë botën në kujtim të viktimave

Bota

U rrëzua helikopteri, vdesin Presidenti i Irani dhe ministri i Jashtëm

Presidenti iranian Ebrahim Raisi dhe ministri i Jashtëm Hossein Amirabdollahian ishin në mesin e nëntë personave që humbën jetën

Spyzone

Izraeli, rekord eksportesh prodhime ushtarake në 2023

Kompanitë izraelite të mbrojtjes nënshkruan porosi të reja eksporti me vlerë rekord 13.073 miliardë USD në vitin 2023