Intel, gjiganti amerikan i prodhimit të çipeve, ka rënë dakord të investojë 40 miliardë shekel (11.9 miliardë dollarë) për të zgjeruar operacionet e fabrikimit në qytetin jugor izraelit Kiryat Gat, njoftoi ministri i financave i Izraelit, Moshe Kahlon.

Investimi është pjesë e zgjerimit global të Intel të aftësive të saj prodhuese.

Përveç Izraelit, kompania deklaroi se synon të zgjerojë operacionet e saj në Irlandë dhe Oregon.

Intel gjithashtu do të rekrutojë 1,000 punonjës izraelitë.

Related Posts

• Intel, Mobileye dhe Volkswagen, projekt në Izrael për taksitë autonome

Intel aktualisht ka një staf prej 12.700 punonjës në Izrael, duke përfshirë 1100 të punësuar nga prodhuesi i çipeve për maknat, Mobileye, të blerë nga Intel në 2017 për 15.3 miliardë dollarë.

Eksporti i Intel nga Izraeli në vitin 2018 arriti në 4 miliardë dollarë, sipas deklaratave të kompanisë, nga 3.6 miliardë dollarë në 2017.

Në total, blerjet dhe investimet e Intel në Izrael deri më tani arrijnë në 35 miliardë dollarë.