Në Danimarkë, Rivlin nderon lëvizjen që shpëtoi hebrenjtë në Luftën e Dytë Botërore
Presidenti i Izraelit takon të mbijetuarin që u transportua në Suedi së bashku me disa mijëra në 1943
Presidenti i Izraelit, Reuven Rivlin nisi sot një vizitë shtetërore në Danimarkë duke lavdëruar vendin për shpëtimin e hebrenjve lokalë gjatë Luftës së Dytë Botërore dhe vendosi një kurorë në memorialin për organizatën sekrete daneze, e cila ndihmoi në orkestrimin e operacionit.
Ministri danez i Mbrojtjes Claus Hjort Frederiksen shoqëroi Rivlin në memorial, si dhe të mbijetuarin Salli Besiakov, i cili vuri një kurorë të dytë.
Sipas një deklarate nga Rezidenca e Presidentit, “Salli u shpëtua si një pesëmbëdhjetë vjeçar nga përpjekjet e një organizate sekrete. Në tetor të vitit 1943, Salli dhe familja e tij u larguan nga shtëpia e tyre për një shtëpi të sigurtë në Kopenhagen. Jeta e tij u shpëtua kur ai u mor në një anije peshkimi në Suedi “.
Pas ceremonisë, presidenti izraelit shkoi në pallatin mbretëror në Kopenhagen për një takim privat me Mbretëreshën e Danimarkës ,Margrethe II, shkruan “Jewish Telegraphic Agency”, JTA.
Rivlin është në Danimarkë me ftesë të kryeministrit të vendit, Lars Lokke Rasmussen, këshillit lokal të Gribskov dhe kishës Gilleleje
Danimarka është një nga vendet e pakta evropiane, popullsia hebraike e të cilëve më së shumti shpëtoi falë një përpjekjeje nga popullata lokale, me hebrenjtë danezë që shpëtuan në tetor 1943 nga peshkatarët lokalë dhe operatorët e tjerë të anijeve.
Në operacionin, që përfshinte organizatën sekrete daneze, rreth 7,200 hebrenj u shpëtuan.
/Izraeli Sot/