Presidenti i Izraelit, Reuven Rivlin, gjatë vizitës së tij zyrtare në Danimarkë, u takua me Mbretëreshën e Danimarkës, Margrethe II.
“Për shumë vite Mbretëresha e Danimarkës ka punuar për të ruajtur kujtimin e shpëtimit të hebrenjve danezë nga nazistët dhe për marrëdhëniet e mira me Izraelin. Gjatë vizitës sime në pallatin mbretëror, kisha rastin ta falënderoj për këtë dhe të siguroj që të ruajmë dhe forcojmë lidhjet mes dy vendeve. Faleminderit për mikpritjen e ngrohtë Zonja Mbretëreshë.”, shkruan kreu i Shtetit të Izraelit në faqen e tij zyrtare në Facebook.
Ai shoqërohej nga bashkëshortja e tij, Nehama Rivlin.
Rivlin është në Danimarkë me ftesë të kryeministrit të vendit, Lars Lokke Rasmussen, këshillit lokal të Gribskov dhe kishës Gilleleje
Danimarka është një nga vendet e pakta evropiane, popullsia hebraike e të cilëve më së shumti shpëtoi falë një përpjekjeje nga popullata lokale, me hebrenjtë danezë që shpëtuan në tetor 1943 nga peshkatarët lokalë dhe operatorët e tjerë të anijeve.
Në operacionin, që përfshinte organizatën sekrete daneze, rreth 7,200 hebrenj u shpëtuan.
/Izraeli Sot/