Zgjedhjet në Izrael, Netanyahu vizitë Trump në Shtëpinë e Bardhë

Presidenti Donald Trump deklaroi se është koha që SHBA-ja ta njohë sovranitetin e Izraelit në Rrafshnaltën e Golanit.

WASHINGTON, D.C. – FEBRUARY 15: (AFP OUT) U.S. President Donald Trump (R) sits with Israel Prime Minister Benjamin Netanyahu in the Oval Office of the White House on February 15, 2017 in Washington, D.C. Netanyahu is trying to recalibrate ties with the new U.S. administration after eight years of high-profile clashes with former President Barack Obama, in part over Israel’s policies toward the Palestinians. (Photo by Andrew Harrer – Pool/Getty Images)

Vetëm dy javë para zgjedhjeve në Izrael, kryeministri Benjamin Netanyahu do të zhvillojë një vizitë në Shtëpinë e Bardhë të hënën, disa ditë pasi presidenti Donald Trump deklaroi se është koha që SHBA-ja ta njohë sovranitetin e Izraelit në Rrafshnaltën e Golanit.

Para kthimit në Izrael të enjten, Netanyahu mund të pres një mirëseardhje të ngrohtë nga Trump, i cili po ashtu do të jetë nikoqir i një darke me të.

Ditë më parë, përmes një postimi në Twitter, presidenti Trump deklaroi se Rrafshnalta e Golanit ka rëndësi strategjike dhe të sigurisë për Izraelin dhe rajonin.

“Pas 52 vitesh është koha që Shtetet e Bashkuara të njohin plotësisht sovranitetin e Izraelit mbi Rrafshnaltën e Golanit, që është e një rëndësie strategjike dhe të sigurisë për Izraelin dhe stabilitetin rajonal”, shkroi presidenti amerikan, Donald Trump.

Izraeli e mori nën kontroll këtë territor nga Siria pas luftës së vitit 1967. Siria vazhdimisht ka kërkuar të rikthejë sovranitetin mbi rajonin.

Kryeministri izraelit, Benjamin Netanyahu, menjëherë reagoi duke falenderuar presidentin Donald Trump.

“Në një kohë kur Irani kërkon të përdorë Sirinë si një platformë për të shkatërruar Izraelin, Presidenti Trump pranon me guxim sovranitetin izraelit mbi Rrafshnaltën e Golanit” tha Netanyahu.

Ky veprim i presidentit Trump ishte parë si mbështetje ndaj Netanyahut në zgjedhjet qendrore. Trump deri tani ka plotësuar dy “dëshira në listën e Netanyahut”, njohjen e Jerusalemit si kryeqytet të Izraelit dhe lëvizjen e ambasadës amerikane nga Tel Avivi, në maj të vitit të kaluar.

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

INTERVISTA

Almira Emiri flet për “The Albanian”: Koncertet “IsrAlb Fest” janë dashuria ime e madhe

Pianistja e mirënjohur shqiptare, Almira Emiri, prej 24 vitesh jeton në Budapest të Hungarisë, me një karrierë të suksesshme ndërkombëtare.…

SPYZONE

A është “Carmel”, e ardhmja e pushkës izraelite?

Pushka automatike “Carmel” mund të jetë revolucioni i ardhshëm. Një armë e qëndrueshme dhe e besueshme, mund të jetë një…