4 Korriku, 15 citate patriotike nga amerikanë të famshëm të përzgjedhura nga Armand Plaka

Shtetet e Bashkuara të Amerikës festojnë sot 243-vjetorin e Pavarësisë, që tashmë edhe në Shqipëri ka nisur të bëhet tepër e njohur. Dita në fjalë shënon lindjen e Shteteve të Bashkuara si një shtet e komb i pavarur nga dominimi britanik dhe publikimin e Deklaratës së Pavarësisë, që ndodhi pikërisht më 4 korrik 1776.


Dita e Pavarësisë së SHBA-së

Shtetet e Bashkuara të Amerikës festojnë sot 243-vjetorin e Pavarësisë, që tashmë edhe në Shqipëri ka nisur të bëhet tepër e njohur.

Dita në fjalë shënon lindjen e Shteteve të Bashkuara si një shtet e komb i pavarur nga dominimi britanik dhe publikimin e Deklaratës së Pavarësisë, që ndodhi pikërisht më 4 korrik 1776.

Dita Kombëtare e SHBA-së është ditë pushimi në mbarë vendin, e në popull njihet gjerësisht si “Fourth of July”. Ajo u dedikohet veçanërisht dëshmorëve e heronjve që ranë për kombin amerikan.
Ngjarje të shumta e aktivitete festive zhvillohen për çdo vit me këtë rast, sikurse pritet të organizohen edhe sot përgjatë gjithë ditës, sipas njoftimeve që janë bërë nga institucione shtetërore, por edhe organizata e shoqata amerikane në mbarë botën.

Por sigurisht se përtej festimeve apo lajmeve që lidhen me mënyrat se si do ta festojnë këtë ditë të madhe shtetasit amerikanë kudo që ndodhen, ia vlen që të shënojmë më poshtë thëniet e disa njerëzve të mëdhenj, nënshtetas amerikanë, të cilët janë frymëzuar në veprat e tyre jo pak nga vepra e atyre që e bënë të mundur këtë ditë.

Me patriotizmin e shprehur në vargje apo citate të paharrueshme, ata kanë vënë firmën e tyre në panteonin e patriotizmit amerikan, një shembull frymëzues për mbarë botën e civilizuar:

Mos e lini lirinë të humbasë në duart tuaja.
– Joseph Addison

 

Dita e lindjes së Lirisë është këtu.
Zbrazni armët dhe thërrisni fort për lirinë,
Shihni flamurin të shpaloset në lartësi!
Nderoni yjet dhe vijat përgjithmonë,
Flamuri më i dashur në të gjithë botën.
– Florence A Jones

Ata të cilët fituan pavarësinë tonë besonin se liria është sekreti i lumturisë dhe kuraja është sekreti i lirisë.
– Louis D. Brandeis

Nëse ia vlen të vdesim për vendin tonë në kohë lufte, le të themi se ia vlen të jetojmë për të në kohë paqeje.
– Hamilton Fish

Pa liri, askush nuk ka realisht një emër.
– Milton Acorda

Aty ku strehohet liria, atje gjendet vendi im.
– Benjamin Franklin

Është dashuria për vendin që ka ndriçuar dhe që mban ndezur zjarrin e shenjtë të patriotizmit.
– J. Horace McFarland

Ata që heqin dorë nga liritë bazë për të ruajtur sigurinë provizore, nuk meritojnë as liri e siguri.
– Benjamin Franklin

Unë jam i ndërgjegjshëm për mundin, gjakun dhe thesarin që do të na kushtojë për ta mbajtur më këmbë këtë Deklaratë dhe t’i mbështesim e t’i mbrojmë këto shtete. Me gjithë vështirësitë, shoh ngado rrezet e mrekullueshme të dritës së lavdisë. Unë mund të shoh se fundi do ia vlejë me çdo çmim. Kjo është dita jonë e çlirimit.
– John Adams

Detyra e një patrioti të vërtetë, është të mbrojë vendin e tij nga qeveria e vet.
– Thomas Paine

Ju u tregoni njerëzve se sa keni dëshirë të luftoni për ta, kur luftoni miqtë tuaj.
– Hillary Clinton

Amerika nuk ka qenë kurrë e bashkuar nga gjaku, lindja apo toka. Ne jemi të lidhur nga idealet që lëvizin themelet tona, na ngjisin lart përtej interesave tona dhe na mësojnë se çfarë do të thotë të jesh qytetar.
– George W. Bush

Gonxhja e fitores gjendet gjithmonë tek e vërteta.
– Benjamin Harrison

Ky vend, me institucionet e tij, u përket njerëzve që banojnë në to. Kurdo që ata do të shfaqen të lodhur nga qeveria në fuqi, ata mund t’i ushtrojnë të drejtat e tyre kushtetuese apo t’i amendojnë ato ose të ushtrojnë të drejtat e tyre revolucionare për ta rrëzuar atë.
– Abraham Lincoln

Në kuptimin e vërtetë të kësaj fjale, liria nuk mund të dhurohet; ajo duhet të arrihet.
– Franklin D. Roosevelt


Përgatiti: Armand Plaka, Gazeta Shqip

IZRAEL

Izraeli refuzon ofertën për armëpushim nga Hamasi, intesifikohen sulmet ndaj Gazës

Kryeministri i Izraelit informon kabinetin e sigurisë se ai ka hedhur poshtë propozimin për armëpushim në 'bazë të ndërsjellë' të…

SHQIPËRI

Ambasadori i Izraelit dhe Kryegjyshi Botëror i Bektashinjve shtrojnë Iftar në Tiranë

Kryegjyshi Botëror i Bektashinjve, Edmond Brahimaj dhe Ambasadori i Izraelit në Shqipërim Noah Gendler kanë organizuar një iftar për mbrëmjen…

KOSOVA

Dr. Sylë Ukshini: Dy paralele nëpër në histori: Kosova dhe Izraeli

Kosova dhe Izraeli jane shume larg njera nga tjera, por ne historine e popujve te ketyre dy vendeve ka shume…

INTERVISTA

Ambasadori Gendler: Izraeli i gatshëm të ndihmojë Shqipërinë në procesin e vaksinimit

Në një intervistë për MCN, ambasadori Izraelit në Shqipëri Noah Gal Gendler u ndal edhe tek çështjet e politikës së…

MILIARDERËT

Themeluesit hebrenj të Google shtuan 14 miliardë dollarë në vetëm 24 orë

Larry Page dhe Sergey Brin, bashkëthemelues të Google, e bënë veten 14 miliard dollarë më të pasur në më pak…

Rezultati në pak sekonda, Izraeli zbulon testin e Covid përmes pështymës

Një test i pështymës i zhvilluar rishtazi nga qendra më e madhe mjekësore e Izraelit synon të përcaktojë në më…

SPYZONE

Izraeli fillon stërvitjen ushtarake më të madhe në historinë e tij

Forcat e Mbrojtjes së Izraelit filluan një stërvitje lufte njëmujore të Dielën - më e madhja në historinë e saj…