Britania: Iranianët provuan të kapin një anije tregtare britanike

Anijet iraniane u tërhoqën pas “paralajmërimit” nga një anije e marinës britanike që shoqëronte anijen tregtare, thuhet në një deklaratë të qeverisë britanike


Britania tha të enjten se tri anije iraniane provuan pa sukses të pengonin kalimin e një anijeje tregtare britanike nëpërmjet Ngushticës së Hormuzit, në një zhvillim që mund të çojë në një përshkallëzim të mëtejshëm të tensioneve rreth marrëveshjes bërthamore të vitit 2015, ndërmjet Iranit dhe fuqive botërore.

Anijet iraniane u tërhoqën pas “paralajmërimit” nga një anije e marinës britanike që shoqëronte anijen tregtare, thuhet në një deklaratë të qeverisë britanike. “Jemi të shqetësuar nga ky veprim dhe vazhdojmë t’u bëjmë thirrje autoriteteve iraniane që të ulin tensionet në rajon”, thuhet në deklaratë. Rojat Revolucionare iraniane mohuan pretendimet, duke thënë se po të kishin marrë një urdhër për të kapur cilëndo anije, këtë do ta kishin bërë menjëherë.

Agjencia gjysmëzyrtare e lajmeve Fars, transmetoi një deklaratë të Rojave sipas të cilave “nuk ka pasur asnjë përplasje me ndonjë anije te huaj, posaçërisht britanike”. Incidenti u raportua një ditë pasi që presidenti iranian, Hassan Rouhani, paralajmëroi Britaninë se do të përballet me pasoja për shkak të konfiskimit në Gjibraltar të një anijeje iraniane që dyshohet se po transportonte naftë të papërpunuar në Siri, duke shkelur sanksionet e Bashkimit Evropian.

Presidenti Rouhani u citua nga mediet shtetërore iraniane ta ketë cilësuar konfiskimin “të gabuar dhe qëllimkeq”. Irani kishte thirrur në një takim ambasadorin britanik në Teheran për t’i shprehur “kundërshtimin e tij të fortë ndaj konfiskimit të paligjshëm dhe të papranueshëm” të anijes. Që kur presidenti Donald Trump u tërhoq nga marrëveshja bërthamore, rivendosja e sanksioneve të rënda ndaj Iranit, duke përfshirë industrinë e naftës, ka përkeqësuar krizën ekonomike në Iran.

Deri tani, palët pjesëmarrëse në marrëveshje, Rusia, Kina, Gjermania, Franca, Britania dhe Bashkimi Evropian, nuk kanë qenë në gjendje të përmbushin kërkesat e Teheranit për ndihmë të mjaftueshme ekonomike, për të kompensuar dëmet nga sanksionet amerikane. Së fundmi Agjencia e Kombeve të Bashkuara për mbikëqyrjen e veprimtarive bërthamore, konfirmoi se Irani ka tejkaluar kufijtë e lejuar të pasurimit të uraniumit në kuadrin e marrëveshjes ndërkombëtare bërthamore të vitit 2015, duke nxitur reagime në botë. /Voa/

Lexo më shumë

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

IZRAEL

“Ionoterra” testohet në Ballkan, sistemi izraelit paralajmëron për tërmet 8 orë para

Kompania izraelite Ionoterra, e cila zhvilloi sistemin dhe e zbuloi zyrtarisht në Rumani të Premten, 29 Nëntor, pretendon se mund…

SHQIPËRI

Inspektimi i pallateve të dëmtuara, ministri Çuçi në terren me ekspertët nga Izraeli

Drejtuesi qëndror i zyrës Operacionale për Menaxhimin e Fatkeqësisë Natyrore, ministri Fuqiplotë Bledi Çuçi, inspektoi ditën e sotme bashkë me…

KOSOVA

Kryeministri Haradinaj pret në takim investitorë nga Izraeli dhe Shqipëria

Kryeministri në detyrë i Kosovës, Ramush Haradinaj, pret në takim investitorët nga Izraeli dhe Shqipëria, Eitan Bar Zeev, Nimrod Rinot,…

INTERVISTA

Ambasadori Gendler: Shqipëria duhet të ndjekë shembullin e Izraelit

Ambasadori i Izraelit në Shqipëri, Noah Gal Gendler, dha një intervistë për emisionin Diplomaticus të gazetarit Erion Kaçorri në News24

MILIARDERËT

Roman Abramovich blen shtëpi 63 milionë dollarë në Izrael

Miliarderi ruso-izraelit, Roman Abramovich, është i vendosur të blejë një shtëpi në Herzliya për 63 milionë dollarë nga menaxherja e…

SPYZONE

Yossi Cohen: Kryespiuni i Mossad që vodhi arkivat sekrete bërthamore të Iranit

Gazeta e madhe izraelite "Jerusalem Post" e ka përzgjedhur shefin e Mossad, Yossi Cohen, si numrin 1 nga 50 hebrenjtë…