Ambasadori Gendler: Shqipëria duhet të ndjekë shembullin e Izraelit

Ambasadori i Izraelit në Shqipëri, Noah Gal Gendler, dha një intervistë për emisionin Diplomaticus të gazetarit Erion Kaçorri në News24


Shqipëria duhet të bëjë dallimin mes luftëtarëve shqiptarë të ISIS dhe familjeve të tyre që ndodhen nëpër kampet e Sirisë deklaron ambasadori i Izraelit në Shqiperi Noah Gal Gendler në një intervistë për emisionin Diplomaticus të gazetarit Erion Kaçorri në News24. Gendler nuk e përjashton rrezikun që vetë luftëtarët përbëjnë pas kthimit në vendet e origjinës. “Mendoj se duhet të bëni dallimin mes familjeve dhe luftëtarëve. Familjet e tyre mund t’i ktheni në Shqipëri duke parë se cili është qëndrimi i tyre, ndërsa për luftëtarët mendoj se është një detyre e rrezikshme sepse nëse këta njerëz kthehen dhe nuk paguajnë çmimin për aktet e tyre, është ekstremisht e rrezikshme” deklaron ambasadori i Izraelit në Shqipëri.

Sipas diplomatit Izraelit, lufta kundër terrorizmit është një detyrë ndërkombëtare. Sipas tij një vend i vetëm nuk mund ta realizojë atë.

“Në momentin që bota do të unifikohet duke ecur së bashku kundër ekstremizmit, do të mund të kemi sukses. Une e di këtë sepse në vendin tim për shumë vite e kemi luftuar të vetëm ekstremizmin dhe kemi pasur sukses, por nëse i gjithë komuniteti ndërkombëtar bashkohet do të shmangim sulmet terroriste dhe ekstremizmin” deklaron ambasadori Gendler.

Duke u ndalur tek çështja e dëbimit të dy diplomatëve iranianë nga Shqipëria, ambasadori Izraelit deklaron se Irani është i përfshirë në terrorizëm në të gjithë botën. “Ky nuk është ndonjë sekret. Përpara se të vija në Shqipëri isha ambasador në Kenia dhe e njëjta gjë ndodhi edhe atje. Lufta kundër terrorizmit duhet të jetë një përpjekje ndërkombëtare. Shqipëria duhet të jetë pjesë e saj, Izraeli gjithashtu duhet të jetë pjesë e saj. Ne e dimë cilët janë armiqtë dhe e dimë cilat janë zgjidhjet” deklaroi Ambasadori Izraelit në Shqipëri Noah Gal Gendler.

Kompania izraelite LR Group, projekt investimesh në Shqipëri

Ministri i Ekonomisë, Kulturës dhe Inovacionit, Blendi Gonxhja, priti Ambasadoren e Izraelit në Shqipëri, Galit Peleg.

Izrael

Fyejti Holokaustin, Izraeli shpall “non grata” presidentin e Brazilit

Kryeministri Benjamin Netanyahu i përshkroi fjalët e presidentit Luiz Inácio Lula da Silva si “të turpshme”.

Shqipëri

Dita Ndërkombëtare e Gruas, ambasadorja Kumbe fjalim në Universitetin e Haifës

Ambasadorja e Shqipërisë në Izrael, Meri Kumbe, ishte e ftuar të fliste në Universitetin e Haifës në kuadër të Ditës…

Kosove

Ceremoni solemne në Prishtinë, për Ditën Përkujtimore të Holokaustit

Marin pjesë Presidentja Osmani, kryeministri Kurti dhe ambasadorja e Izraelite në Kosovë, Tamar Ziv.

OPED

Populli ynë ka qenë dhe do të mbetet krah popullit hebre

Sot shënohet Dita e Përkujtimit të Holokaustit, ditë që përbashkon gjithë botën në kujtim të viktimave

Bota

Shuhet legjenda e diplomacisë amerikane, Henry Kissinger

Vdiq në moshën 100-vjeçare. Kissinger dominoi politikën e jashtme të SHBA në kulmin e Luftës së Ftohtë.

Spyzone

Ushtria e Izraelit rrethon komandën qëndrore të Hamasit

Marina gjithashtu kreu dhjetëra sulme përgjatë bregut të Gazës, duke ndihmuar forcat tokësore.