Kryetari i Partisë Demokratike të Shqipërisë, Lulzim Basha, në një mesazh të tijin në rrjetet sociale, me rastin e Ditës Ndërkombëtare të Përkujtimit të Holokaustit, shkruan ndër të tjera se ndihet “krenar për qëndrimin unik dhe sakrificën e shqiptarëve në mbrojtje të hebrenjve gjatë Luftës së Dytë Botërore.”

Postimi i plotë i Lulzim Bashës

Sot me 27 Janar përkujtojmë me dhimbje 6 milionë hebrenjtë që u shfarosën mizorisht gjatë Holokaustit. Kurrë nuk duhet të harrojmë dhe duhet të përballemi e të luftojmë të gjitha format e antisemitizmit dhe diskriminimit. Krenar për qëndrimin unik dhe sakrificën e shqiptarëve në mbrojtje të hebrenjve gjatë Luftës së Dytë Botërore. #weremember