Shqipëria risjell dëshmi autentike si shembull në luftën e antisemitizmit

Me materiale arkivore, fotografi e dëshmi autentike, Shqipëria ka vendosur që rrëfimin e saj për shpëtimin e hebrenjve gjatë Luftës së Dytë Botërore ta bëjë shembull për vendet e OSBE-së.


Nga Salih Mehmeti/Koha.net

Me materiale arkivore, fotografi e dëshmi autentike, Shqipëria ka vendosur që rrëfimin e saj për shpëtimin e hebrenjve gjatë Luftës së Dytë Botërore ta bëjë shembull për vendet e OSBE-së.

Në kuadër të kryesimit shqiptar të OSBE-së, të martën në Tiranë ka filluar konferenca e nivelit të lartë, “Mbi Luftën kundër Antisemitizmit në rajonin e OSBE-së” me delegacione zyrtare nga vendet pjesëmarrëse të OSBE-së, përfaqësues të organizatave ndërkombëtare dhe shoqërisë civile, etj. Teksa janë ngritur alarmet për rritjen e antisemitizmit gjithandej në Evropë, Shqipëria, që kryeson organizatën me 57 vende anëtare, ka vendosur ka risjellë faktet historike për shpëtimin e mijëra hebrenjve në Shqipëri gjatë Luftës së Dytë Botërore.

E hapur në margjinat e kësaj konference, ekspozita “Shqipëria dhe shpëtimi i hebrenjve nga persekutimi dhe Holokausti” në Qendrën për Hapje dhe Dialog (COD) – hapja e së cilës është transmetuar direkt në rrjete sociale – ka vënë në spikamë fotografi të marra nga Muzeu Përkujtimor i Holokaustit në Shtetet e Bashkuara dhe Fondacioni “Norman Gershman”. Në këtë ekspozitë, që do të qëndrojë e hapur dy javë, janë plasuar edhe dokumente nga Arkivi Historik i Ministrisë së Evropës dhe Punëve të Jashtme, si dhe nga Drejtoria e Përgjithshme e Arkivave. Përmes një video-mesazhi drejtuar ambasadorëve dhe delegacioneve të vendeve të OSBE-së, kryeministri shqiptar, Edi Rama, ka thënë se Shqipëria bëhet bashkë me pjesën tjetër të botës për të shënuar Ditën e Përkujtimit të Holokaustit. Sipas tij, shteti shqiptar si vend me “histori krenare të shpëtimit të hebrenjve” po i bashkohet nismës “Kurrë më”.

Kreu i Qeverisë shqiptare, Edi Rama, ka thënë se konferenca e Tiranës synon të ripërtërijë vigjilencën e luftës kundër të gjitha formave të antisemitizmit dhe prirjeve për relativizimin e Holokaustit.

Ministri në Detyrë për Evropën dhe Punët e Jashtme, Gent Cakaj, ka thënë se edhe pas 75 vjetësh nga çlirimi i Auschwitzit, antisemitizmi vazhdon të mbetet i pranishëm kudo. Ai ka theksuar se qëllimi i konferencës është shprehja e shqetësimit për faktin se “shumë hebrenj nuk ndihen më të sigurt në vendet tona”.

Ndërsa ka paralajmëruar organizimin e programeve të arsimimit dhe edukimit për Holokaustin, ministri 29-vjeçar shqiptar ka përmendur historinë e Shqipërisë në luftën kundër antisemitizmit./Koha.Net/

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

IZRAEL

Koronavirusi/ Izraeli ndryshon linjën e prodhimit të raketave për të bërë respiratorë

Izraeli po ndërron disa linja prodhimit të raketave për të bërë aparate respiratore në përpjekjet për të luftuar mungesat kombëtare…

SHQIPËRI

Investime izraelite në Shqipëri, “Big Mall Group” bashkëpunim me “Hysenbelliu Group”

Grupi izraelit “Big Mall Group” po bashkëpunon me “Hysenbelliu Group”, për të realizuar investime Shqipëri: në infrastrukturë, sektorin e energjisë…

KOSOVA

Arun Chaudhary, amerikano-hebreu që ndihmoi Albin Kurtin të bëhej Kryeministër

Arun Chaudhary ishte një nga strategët e Kurtit në videokomunikimet me qytetarët e Kosovës gjatë fushatës. Chaudhary, i cili ishte…

INTERVISTA

Ambasadori Gendler: Izraeli me projekte të rëndësishme në Shqipëri

Ambasadori i Izraelit në Shqipëri Noah Gal Gendler ka qenë i ftuar në emisionin ‘PASSPORT’ të gazetarit Arbër Hitaj në…

MILIARDERËT

Roman Abramovich blen shtëpi 63 milionë dollarë në Izrael

Miliarderi ruso-izraelit, Roman Abramovich, është i vendosur të blejë një shtëpi në Herzliya për 63 milionë dollarë nga menaxherja e…

SPYZONE

Oficeri i Mossad: Luftë e ashpër mes shërbimeve inteligjente në botë për ventilatorë me çdo kusht

Shefi i departamentit të teknologjisë në shërbimin e inteligjencës Mossad të Izraelit tha se vendet janë futur në një betejë…