Kryetari i Partisë Demokratike të Kosovës, Kadri Veseli, pati në Prizren një takim kortezie me Votim Demirin, kryetar i Bashkësisë Hebraike të Kosovës.

Ish-kryetari i Kuvendit e konsideron Demirin “ura lidhëse për shumë dekada e vizitave të delegacioneve dhe shkëmbimeve mes Kosovës dhe Izraelit”.

Postimi i plotë i Veselit

Një takim i veçantë me Votim Demirin në Prizren, të cilin e urova për gatishmërinë e Izraelit që ta njohë Kosovën.

Si kryetar i Bashkësisë Hebraike të Kosovës, Demiri ka një jetë të tërë perkushtimi e angazhimi për t’i afruar popujt dhe shtetet tona. Ai ishte ura lidhëse për shumë dekada e vizitave të delegacioneve dhe shkëmbimeve mes Kosovës e Izraelit. Sot, ndihet i përmbushur me këtë arritje. Na mbetet t’i avancojmë këto marrëdhënie në të ardhmen!