Poezia brilante e Visar Zhitit: Varret e hebrenjve në Prishtinë

Poeti i mirënjohur shqiptar, Visar Zhiti, i ka kushtuar edhe një poezi me emocione të forta, varreve të hebrenjve në Prishtinë. Ajo është pjesë e librit me poezi “Si është Kosova”, i botuar në Tiranë dhe në Prishtinë.


Poeti i mirënjohur shqiptar, Visar Zhiti, i ka kushtuar edhe një poezi me emocione të forta, varreve të hebrenjve në Prishtinë. Ajo është pjesë e librit me poezi “Si është Kosova”, i botuar në Tiranë dhe në Prishtinë.

Libri poetike ka marrë dy çmime në Kosovë, me emrat e poeteve “Ali Podrimja” në Gjakove dhe “Azem Shkreli” në Pejë.

Poeti Visar Zhiti ka shkruar edhe një poemë për hebrenjtë, në një libër të tijin të botuar në italisht. Ai është përkthyes, deputet, diplomat dhe ministër i shtetit shqiptar.

 

VISAR ZHITI

 

VARRET E HEBRENJVE NË PRISHTINË

 

 

Në varrezën e hebrenjve

nuk ka bar të blertë sot,

por flakët e luftës…

Mbishkrimet aramaike mbi rrasat e gurta

dridhen – mornica në lëkurën e ditës.

 

 

Digjen shtëpitë e Prishtinës përreth,

bien trarët e nxirë mbi kokat e njerëzve

si mallkimet,

thyhen tjegullat,

bashkë me xhamat copërlohet dhe frika.

Digjet dhe e kaluara

si fotot bardhë e zi

të një albumi të trashëguar, të hedhur në oborr.

 

 

Tanket duan të futen në varrezën e hebrenjve,

ta shembin…

Zinxhirët mbi Yllin e Davidit…

por shqiptarët u dalin përpara. Me luftë.

Edhe të vdekur mikun ta mbrojmë…

besën ia japim tjetrit,

                                  por është jona besa…

Mbi trupat tanë le të shkelin më parë!

 

Shqiptarët e mi dhe në luftën e botës

 

mbrojtën jetët e heberenjve,

kur dhe të tyret ishin në rrezik,

tani po mbrojnë varret e hebrenjve –

dhe vetë mund të mos kenë varre,

 

është lufta e tyre… Ylli, ah, Ylli i Davidit,

që i ka mbledhur cepat,

si yni është, si i mëparshmi, i hershmi,

Illyricum Sacrum e quanin,

bashkojnë ujërat e jetës me zjarret prometeane.

Vazhdon lufta.

 

 

Qielli rëndon si mermeri i varreve…

Mbrojeni Qiellin tonë ashtu si ne,

ju, perënditë e reja!…

Besojmë ende tek njeriu. Kthehet ai

dhe nga viset e vdekjes, Shpirt,

që vendos drejtësinë hyjnore…

 

 

 

P.S.:

…në Romë isha, në Ambasadën tonë punoja…

dhe ia treguam ambasadorit të Izraelit

ngjarjen me varrezat e hebrenjve në Prishtinë.

U prek ai, falënderoi dhe…

                                na dërgoi ca shishe me verë. Dhe

 

ne i përplasëm gotat me njëri-tjetrin

                                       duke uruar fitoren e Kosovës.

Paqe popujve! Të vdekurit dalin nga varret,

 

duan të shprehin mirënjohjen,

                                   shpesh më shumë se të gjallët.



Lexo më shumë

IZRAEL

Në prag të Ditës së Pavarësisë, popullsia e Izraelit arrin në 9.3 milionë

Që nga Dita e Pavarësisë së vitit të kaluar, 167,000 foshnja lindën, 50,000 njerëz vdiqën dhe 16,300 emigruan në vend,…

SHQIPËRI

Canaj takon Oryan: Forcim i bashkëpunimit të Izraelit me Shqipërinë në biznes, turizëm dhe arsim

Ambasadori i Shqipërisë në Izrael, Dr. Bardhyl Canaj, u takua sot me Dan Oryan, Drejtorin e Departamentit të Ballkanit në…

KOSOVA

Ministrja e Jashtme e Kosovës, Donika Gërvalla: Ambasada në Jerusalem, punë e kryer!

Ministrja e Punëve të Jashtme e Kosovës, Donika Gërvalla: Nuk do t’i hymë aventurave diplomatike për të rikthyer në shqyrtim…

INTERVISTA

Ambasadori Gendler: Izraeli i gatshëm të ndihmojë Shqipërinë në procesin e vaksinimit

Në një intervistë për MCN, ambasadori Izraelit në Shqipëri Noah Gal Gendler u ndal edhe tek çështjet e politikës së…

MILIARDERËT

Themeluesit hebrenj të Google shtuan 14 miliardë dollarë në vetëm 24 orë

Larry Page dhe Sergey Brin, bashkëthemelues të Google, e bënë veten 14 miliard dollarë më të pasur në më pak…

Rezultati në pak sekonda, Izraeli zbulon testin e Covid përmes pështymës

Një test i pështymës i zhvilluar rishtazi nga qendra më e madhe mjekësore e Izraelit synon të përcaktojë në më…

SPYZONE

Shërbimet inteligjente perëndimore: Mossad pas sulmit në impiantin bërthamor të Iranit

Burimet e inteligjencës perëndimore i thanë medias hebraike se agjencia izraelite e spiunazhit përgjegjëse për ndërprerjen e energjisë në Natanz;…