Combat Antisemitism shkruan për dokumentarin e Elise Nake: Shqipëria – Streha e Sigurt e Hebrenjve

Faqja zyrtare e Combat Antisemitsme publikoi një shkrim në lidhje me dokumentarin e realizuar nga Elise Nake, që dëshmon përpjekjet heroike të Shqipërisë për të shpëtuar popullatën e saj hebreje gjatë Holokaustit.


Elise Nake, një gjimnaziste shqiptare dhe anëtare e komunitetit amerikano-shqiptar, është një nga mbi 301 mijë anëtarët e Combat Antisemitsme, ku bëjnë pjesë shumë shqiptarë dhe disa organizata shqiptare, si Rabbinate Albania, ICEJ Albania dhe Izraeli Sot.

Faqja zyrtare e Combat Antisemitsme publikoi një shkrim në lidhje me dokumentarin e realizuar nga Elise Nake, që dëshmon përpjekjet heroike të Shqipërisë për të shpëtuar popullatën e saj hebreje gjatë Holokaustit.

Elise intervistoi shumë familje hebreje në Shqipëri dhe Izrael, për të mësuar më shumë rreth këtyre familjeve dhe dashurinë e tyre për Shqipërinë dhe Izraelin. Këta hebrenj shqiptarë tregojnë histori të tolerancës dhe bashkëjetesës me fqinjët e tyre dhe reflektojnë me dashuri për vendin e tyre të origjinës.

Elise synon të rrisë ndërgjegjësimin rreth këtij kapitulli pak të njohur në historinë njerëzore përmes dokumentarit të saj dhe shpreson që më shumë njerëz do të mësojnë rreth veprimeve të Shqipërisë gjatë Holokaustit.

***

Shkrimi i botuar në faqen e Combat Antisemtism

Shqipëria – Streha e Sigurt e Hebrenjve

Elise Nake, një nxënëse e shkollës së mesme dhe anëtare e komunitetit amerikano-shqiptar, adreson përpjekjet heroike të Shqipërisë për të shpëtuar popullatën e saj hebreje gjatë Holokaustit, në një film dokumentar që ajo prodhoi për një projekt shkollor.

Për projektin e saj, Elise vizitoi Izraelin ku u filmuan shumë pjesë nga dokumentari. Ajo paraqet dëshminë e përfaqësuesve të Komunitetit Shqiptaro-Hebre në Izrael dhe i interviston ata për të mësuar historitë e tyre personale.

Këta anëtarë të komunitetit ndajnë historinë e udhëtimit hebraik shqiptar që shkon prapa në shekullin e 19-të. Përveç shpëtimit të komunitetit të saj hebre gjatë Holokaustit, Shqipëria strehoi refugjatë hebrenj nga vendet e tjera evropiane. Në fund të Luftës së Dytë Botërore, Shqipëria ishte i vetmi vend në Evropë që pa një rritje të popullsisë së saj hebreje gjatë luftës. Asnjë hebre në Shqipëri nuk u vra gjatë Holokaustit.

Veprimet e Shqipërisë gjatë Luftës së Dytë Botërore mund t’i atribuohen etosit të saj kombëtar, “Besa”, një urdhër tradicional kulturor, ose kod nderi që fjalë për fjalë do të thotë “betim” ose “besim”. Myslimanët shqiptarë që shpëtuan hebrenj gjatë Holokaustit, e bënë këtë nga ndjenja e “Besës”.

Për projektin e saj, Elise jo vetëm tregon historinë e Shqipërisë duke shpëtuar komunitetin e saj hebre, por gjithashtu edhe të këtyre komuniteteve që “kthehen” në Tokën e Izraelit. Elise intervistoi shumë familje hebreje në Shqipëri dhe Izrael për të mësuar më shumë rreth këtyre familjeve dhe dashurinë e tyre për Shqipërinë dhe Izraelin. Këta hebrenj shqiptarë tregojnë histori të tolerancës dhe bashkëjetesës me fqinjët e tyre dhe reflektojnë me dashuri për vendin e tyre të origjinës.

Elise synon të rrisë ndërgjegjësimin rreth këtij kapitulli pak të njohur në historinë njerëzore përmes dokumentarit të saj dhe shpreson që më shumë njerëz do të mësojnë rreth veprimeve të Shqipërisë gjatë Holokaustit. Për habinë e saj, ajo mësoi se Muzeumet e Holokaustit në Shtetet e Bashkuara aktualisht nuk paraqesin historinë e komunitetit hebre shqiptar. Qëllimi i saj është të punojë me organizata rreth Shteteve të Bashkuara dhe jashtë saj për të inkurajuar Muzeumet e Holokaustit që të shfaqin historinë e Shqipërisë duke shpëtuar hebrenjtë e saj gjatë Holokaustit përmes ekspozitave arsimore.

Edukimi për Holokaustin është një mjet kritik për të luftuar antisemitizmin dhe format e tjera të fanatizmit për brezat e ardhshëm. Duke mësuar historinë e Shqipërisë me shumicë myslimane duke shpëtuar komunitetin e saj hebre, me siguri gjithnjë e më shumë studentë do të kuptojnë mësimet e fuqishme dhe të rëndësishme të tolerancës dhe bashkëjetesës paqësore që Shqipëria i ofron botës.

Burimi: Combat Antisemitism

Maccabi Tel Aviv ofron 1.5 mln euro Rey Manajn

Mediat katalanase bëjne me dije se në drejtim të Barcelonës ka mbërritur një ofertë nga klubi izraelit.

Izrael

Ndërsa kërkesa globale për mikroçipet rritet, gjigantët e teknologjisë i kanë sytë në Izrael

Google, Microsoft, Facebook, Intel dhe Nvidia po krijojnë ose zgjerojnë operacionet e tyre të dizajnit të çipit izraelit.

Shqipëri

Ambasadori Noah Gal Gendler: Universiteti “Luarasi”, model bashkëpunimi me kompani prestigjoze izraelite

Ambasadori Izraelit në Shqipëri, Noah Gal Gendler, vizitoi universitetin “Luarasi” në prag të 30-vjetorit të vendosjes së marrëdhënieve diplomatike midis…

Kosove

Ines Demiri uron Nora Gjakovën: Kosova, Republika e Medaljeve të Arta!

Ambasadorja e Kosovës në Izrael, Ines Demiri, uroi kampionen olimpike, xhudisten Nora Gjakova, e cila fitoi “Medaljen e Artë” në…

OPED

Fuqia e jashtëzakonshme e ekonomisë izraelite!

Krijimi i tri zyrave të reja të investimeve në Izrael ilustron ndikimin që ka ekonomia izraelite - dhe veçanërisht sektori…

Bota

Këshilltarët e Sigurisë Kombëtare të SHBA-ve dhe Izraelit: Irani kërcënim për botën!

Këshilltari amerikan i Sigurisë Kombëtare, Jake Sullivan, u takua me këshilltarin e ardhshëm izraelit të Sigurisë Kombëtare, Eyal Hulata.

Spyzone

Ish-shefi i Mossad, Yossi Cohen: SoftBank beson shumë në teknologjinë e lartë izraelite!

Në fjalimin e tij të parë publik që kur u bë kreu i operacioneve të investimeve të SoftBank në Izrael,…