Iftari virtual bashkon myslimanët dhe hebrenjtë në ShBA

Një organizatë në Los Anxhelos po përdor iftarin virtual për të krijuar ura bashkëpunimi mes myslimanëve dhe hebrenjve.


Nga Mike O’Sullivan

Çdo mbrëmje gjatë Ramazanit, muajit të vetë-kontrollit dhe lutjeve për myslimanët, besimtarët mblidhen në darkë me familjarë dhe miq për të thyer agjërimin me darkën e iftarit. Gjatë pandemisë COVID-19, disa festuan së bashku në grumbullime përmes rrjeteve sociale. Një organizatë në Los Anxhelos po përdor iftarin virtual për të krijuar ura bashkëpunimi mes myslimanëve dhe hebrenjve.

Çdo ditë Ramazani, në perëndim të diellit vjen koha e Iftarit, kur besimtarët bëjnë pushim për pak orë nga agjerimi.

Në këtë Ramazan, disa qytetarë në Los Anxhelos të Kalifornisë, po organizojnë një iftar jo të zakonshëm virtual, thotë një besimtar mysliman.

“Ne e thirrëm ezanin nga tre sinagoga të ndryshme në Los Anxhelos. E para, mendova se ishte diçka e bukur dhe e fuqishme. Së dyti, shprehte unitetin tonë dhe faktin se të gjithë jemi një komunitet i përbashlët”, tha Adam Fakhri nga organizata „New Ground“.

Iftari virtual u mundësua nga organizata NewGround: Partneriteti mysliman-hebre për ndryshim. Në hapje mbajti një fjalim kryetarit i bashkisë së Los Anxhelosit, Eric Garcetti.

Aktiviteti përfshinte vizitë virtuale në kuzhinën e një imami dhe gruas së tij ndërsa ata përgatisnin ushqimet e tyre të preferuara, dhe një vizitë në kuzhinën e një rabineje dhe bashkëshortit të saj gjatë përgatitjes së ushqimeve të tyre të preferuar.

Pjesëmarrësit thonë se Iftari dhe Ramazani nuk lidhen vetëm me ushqimin dhe agjerimin.

“Disa nga mesazhet janë sakrifica, durimi, humanizmi”, tha zoti Fakhri nga Organziata “New Ground”.

Dhe forcimi i lidhjeve me të tjerët, duke përfshirë edhe ata të besimeve tjera, thotë një pjesëmarrës hebre.

“Fillimsht përqëndrohemi tek marrëdhëniet mes nesh, duke treguar histori personale që lidhen me identitetin tonë“, tha David Weiner, pjesëmarrës.

Pjesëmarrësit thonë se respekti për një traditë të ndryshme dhe ndarja e momenteve personale ndihmojnë për kapërcimin e hendekut mbi çështjet përçarëse, si problemet mes palestinezëve dhe izraelitëve që shpesh ndajnë hebrenjtë dhe myslimanët.

“Gjithashtu më ka pasuruar fjalorin dhe aftësitë për t’u shprehur kur bëj biseda të vështira”, thotë zoti Weinder.

Ndërveprimet në kremtime të tilla, qofshin virtuale ose fizike, i mësojnë pjesëmarrësit të dëgjojnë të tjerët.

“Mund të biesh dakord ose të mos pajtohesh me të tjerët në shumë raste. Kjo është pjesë e procesit për të kuptuar njëri-tjetrin duke qenë në gjendje ta shohësh problemin me sytë e tjetrit,” tha pjesëmarrësi Adam Fakhri.

Ata thonë se kjo qasje është e dobishme për të gjithë njerëzit, pavarësisht prejardhjes ose përkatësisë fetare./ VOA/

IZRAEL

Izraeli refuzon ofertën për armëpushim nga Hamasi, intesifikohen sulmet ndaj Gazës

Kryeministri i Izraelit informon kabinetin e sigurisë se ai ka hedhur poshtë propozimin për armëpushim në 'bazë të ndërsjellë' të…

SHQIPËRI

Ambasadori i Izraelit dhe Kryegjyshi Botëror i Bektashinjve shtrojnë Iftar në Tiranë

Kryegjyshi Botëror i Bektashinjve, Edmond Brahimaj dhe Ambasadori i Izraelit në Shqipërim Noah Gendler kanë organizuar një iftar për mbrëmjen…

KOSOVA

Dr. Sylë Ukshini: Dy paralele nëpër në histori: Kosova dhe Izraeli

Kosova dhe Izraeli jane shume larg njera nga tjera, por ne historine e popujve te ketyre dy vendeve ka shume…

INTERVISTA

Ambasadori Gendler: Izraeli i gatshëm të ndihmojë Shqipërinë në procesin e vaksinimit

Në një intervistë për MCN, ambasadori Izraelit në Shqipëri Noah Gal Gendler u ndal edhe tek çështjet e politikës së…

MILIARDERËT

Themeluesit hebrenj të Google shtuan 14 miliardë dollarë në vetëm 24 orë

Larry Page dhe Sergey Brin, bashkëthemelues të Google, e bënë veten 14 miliard dollarë më të pasur në më pak…

Rezultati në pak sekonda, Izraeli zbulon testin e Covid përmes pështymës

Një test i pështymës i zhvilluar rishtazi nga qendra më e madhe mjekësore e Izraelit synon të përcaktojë në më…

SPYZONE

Izraeli fillon stërvitjen ushtarake më të madhe në historinë e tij

Forcat e Mbrojtjes së Izraelit filluan një stërvitje lufte njëmujore të Dielën - më e madhja në historinë e saj…