Festivali Kulturor Shqipëri-Izrael, nga filmografia te kostumografia, muzika koncertale dhe ajo korale

Dita e dytë dhe dita e tretë e Festivalit Kulturor Shqipëri-Izrael u zhvendosën te instalacioni “Reja” dhe te Amfiteatri i Akademisë së Arteve.


Pas një nate të parë të magjishme nën tingujt e muzikës Klezmer, dita e dytë dhe dita e tretë e Festivalit Kulturor Shqipëri-Izrael u zhvendosën te instalacioni “Reja” dhe te Amfiteatri i Akademisë së Arteve.

Këto dy mbrëmje u karakterizuan nga filmografia, kostumografia, muzika koncertale dhe ajo korale, nën pjesëmarrjen e artistëve të mëdhenj të artit shqiptar dhe atij izraelit si kompozitori izraelit Boris Pigovat, dirigjentja Suzana Turku, producentja izraelit Yael Katzir, Agron Peni Band nga Kosova, producenti Donald Maurice, e mjaft të tjerë.

Përgjatë këtyre dy netëve, Festivali u nderua me pjesëmarrjen e Kryetarit të Bashkisë z. Erion Veliaj, Ambasadores amerikanë znj. Yuri Kim, Zv. Ministres së Jashtme znj. Megi Fino, zv. Ministres së Kulturës Meri Kumbe, si dhe mjaft personaliteteve të tjera që erdhën për të përshëndetur dhe shijuar disa prej risive të sjella në edicionin e parë të Festivalit Kulturor Shqipëri-Izrael.

Dita e dytë e Festivalit te “Reja” ishte një natë e pasur në aktivitete, teksa u shfaq në mënyrë ekskluzive dokumentari “Kodi Shqiptar”, u ekspozuan kostumet mbresëlënëse të “Tradita Edlira” dhe publiku pati mundësinë të shijonte tingujt magjikë të Agron Peni Trio Guitar. Tematika përbashkuese e mbrëmjes “Besa – Kodi shqiptar në të shkuarën, të tashmen dhe të ardhmen” u bë lejtmotiv i fjalës së të ftuarve të nderit. Zv. Ministrja FinoKryetari Veliaj dhe Ambasadorja Kim iu drejtuan të ftuarve me vlerësime historike për besën shqiptare, mbrojtjen e hebrenjve në vendin tonë përgjatë Holokaustit dhe aktualizimin e këtyre vlerave tradicionale të popullit shqiptar sot.

Ndërkohë që dita e tretë e Festivalit, aktivitetet e së cilës u mbajtën pranë Akademisë së Arteve, përloti të pranishmit që shijuan veprat e Boris Pigovat dhe Donald Maurice, të cilët sollën respektivisht kryeveprën muzikore “Holocaust Requiem” dhe filmit unik dhe të dhimbshëm “Lacrimosa Dies Illa” mbi Holokaustin.

Më pas, skena e Amfiteatrit u mbush nga zërat harmonikë të Korit muzikor të përbërë nga Xhoni Jesku, Marina Kurti, Anita Kerhani, e të tjerë dhe të përgatitur nga krenaria e artit shqiptar Suzana Turku “Mjeshtre e Madhe”, e cila përcolli posaçërisht për Festivalin një repertor ku ndërthureshin në mënyrë integrale elementet e muzikës hebraike me ato shqiptare. Performanca u shoqërua me një kuartet harqesh nga Akademia e Arteve.

Festivali Kulturor Shqipëri-Izrael mbështetet nga Bashkia Tiranë, Ministria e Kulturës dhe Ministria e Jashtme e e Shqipërisë, Ambasada e Izraelit në Tiranë, si dhe Komiteti Hebre Amerikan (American Jewish Committee) dhe Kongresi Hebre Amerikan (American Jewish Congress).

Tre netët e para të Festivalit mund të ndiqen në lidhëzat në vijim: Nata e parë te Sheshi “Nënë Tereza” ; Nata e dytë të instalacioni “Reja” ; Nata e tretë te Amfiteatri i Akademisë së ArteveTë gjithë netët e Festivalit do mund të ndiqen live në faqen tone Facebook.

 

Ambasadorja Peleg: Kryeministri David Ben-Gurion, një vizionar i madh!

Kryeministri i parë i shtetit hebre: "Në Izrael, për të qenë realist, duhet të besosh në mrekulli!"

Izrael

Presidenti Herzog: Izraeli i është mirënjohës popullit shqiptar!

Presidenti izraelit, Isaac Herzog, videomesazh Kuvendit ku shpreh mbështetjen ndaj Shqipërisë

Shqipëri

Kryerabini Yoel Kaplan: Lutem çdo ditë për Shqipërinë!

Gazeta “Izraeli Sot” zhvilloi një intervistë me kryerabinin Yoel Kaplan, në lidhje projektet e "Chabad Albania" në Shqipëri.

Kosove

Mevi Rafuna: “Love in time of Holocaust”, një histori dashurie mes shqiptarëve dhe hebrenjve

Një rrëfim dashurie mes një djali shqiptar me emrin Astrit dhe vajzës hebreje Ana, gjatë Luftës II Botërore.

OPED

“Israeli House Albania” i bëri një shërbim të jashtëzakonshëm Shqipërisë!

Për herë të parë një delegacion nga Shteti i Izraelit, i një niveli shumë të lartë erdhi në Shqipëri

Bota

Blinken dënon aktin terrorist palestinez pranë një sinagoge

Sekretari amerikan i Shtetit, Antony Blinken mbërriti sot në Tel Aviv në një kohë kur dhuna mes Izraelit dhe palestinezëve…

Spyzone

Izraeli, fuqia e tetë më e madhe bërthamore në botë

Sipas raportit, kryesojnë Rusia dhe SHBA, të ndjekura nga Kina, Franca dhe Britania e Madhe.