Në Prizren për të inauguruar këto punime sot ishin Ministri i Kulturës, Rinisë dhe Sportit të Kosovës, Hajrulla Çeku, ambasadorja e Izraelit, Tamar Ziv, ambasadori gjerman, Joern Rohde, shefi i misionit të OSBE në Kosovë, Michael Davenport, zëvendësambasadorja e SHBA, Alyson Grunder, nënkryetari i Komunës së Prizrenit, Kujtim Gashi, Votim Demiri, kryetar i Bashkësisë Hebraike të Kosovës.

Qendra Kulturore Hebraike do të vendoset në ndërtesën e ish hotel ‘Shumadija’, aset i trashëgimisë kulturore në mbrojtje të përkohshme.

Projekti i revitalizimit është hartuar nga Komuniteti Hebraik në Kosovë, në bashkëpunim të ngushtë me Qendrën Rajonale për Trashëgimi Kulturore në Prizren.

Paralelisht me ndërhyrjet revitalizuese, jemi në koordinim me Komunitetin Hebraik në Kosovë dhe shtetin e Izraelit, për të ndërmarrë hapat për zhvillimin e projektit të hulumtimit për ndërtimin e narrativës së ekspozitës mbi historinë e Komunitetit Hebraik në Kosovë, ekspozitë kjo e cila do të prezantohet në hapësirat e kësaj Qendre.

“E emocionuar dhe e mallëngjyer për të marrë pjesë në inaugurimin e punimeve për rinovimin e Qendrës Kulturore Hebraike në Prizren. Faleminderit Ministrisë se Kulturës së Kosovës dhe ministrit Hajrulla Çeku!Një projekt shumë i rëndësishëm që dëshmon edhe një herë miqësinë mes njerëzve dhe vendeve tona”, shkruan ambasadorja Ziv në Twitter.

Excited & moved to participate in the inauguration of the works to renovate the Jewish Cultural Center in #Prizren.Thanks to @MKRS_KS & Min.@HCeku! A very important project that once again proves the friendship bt our people & countries. Photos: Mrikë Godanca #Israel #Kosovo 🇮🇱🇽🇰 pic.twitter.com/rHpVtQKKK5

— Tammy Ziv 🇮🇱 (@AmbTammyZiv) November 20, 2022