Ambasadorja e Izraelit në Shqipëri, Galit Peleg, zhvilloi një takim me Rektorin e Universiteti të Tiranës, Prof. Artan Hoxha, ku diskutuan mundësitë e bashkëpunimit ndërmjet institucioneve akademike midis dy vendeve.

Aktualisht, Universiteti i Tiranës ka nënshkruar tashmë marrëveshje me dy Universitete Izraelite.

“Pata një takim shumë të mirë këtë mëngjes në Universitetin e Tiranës me Rektorin Prof. Artan Hoxha. Diskutuam për mundësitë e bashkëpunimit ndërmjet institucioneve tona akademike. A e dinit se Universiteti i Tiranës ka nënshkruar tashmë marrëveshje me dy Universitete Izraelite? 🇮🇱👨‍🎓🇦🇱”, shkruan ambasadorja Peleg në Twitter.

Pata një takim shumë të mirë këtë mëngjes në @UniversityofTir me Rektorin Prof. Artan Hoxha.Diskutuam për mundësitë e bashkëpunimit ndërmjet institucioneve tona akademike. A e dinit se Universiteti i Tiranës ka nënshkruar tashmë marrëveshje me dy Universitete Izraelite?
🇮🇱👨‍🎓🇦🇱 https://t.co/t1FFnsSbFz

— Israel in Albania (@IsraelinAlbania) December 13, 2022

Më 18 qershor 2021, Universiteti Bar-Ilan në Izrael dhe Universiteti i Tiranës në Shqipëri nënshkruan një protokoll bashkëpunimi akademik, për të bashkëpunuar ne fushën akademike, gjithashtu edhe në fusha të tjera me interes të përbashkët, përfshirë shkëmbimin e njohurive akademike, të stafit akademik me qëllim gjetjen e zgjidhjeve të problemeve shkencore me interes të përbashkët, publikime të ndryshme, që do të shërbejnë për edukimin, trajnimin dhe kërkimeve, etj.

Protokolli u firmos nga Rektori i Universitetit të Tiranës, Prof. Dr. Artan Hoxha dhe Prof. Moshe Lewenstein, zv.President i Universitetit Bar-Ilan.