Distria Krasniqi, medalje të artë në xhudo në “Jerusalem Masters 2022” në Izrael
Xhudistja kosovare e përsëriti këtë sukses për herë të katërt
Distria Krasniqi e ka fituar medaljen e artë në Mastersin e xhudos “Jerusalem 2022”. Xhudistja kosovare e përsëriti këtë sukses për herë të katërt.
Në finale të kategorisë deri në 52 kilogramë, Distria e mposhti britaniken, Chelsie Giles.
27-vjeçarja raundin e parë e kaloi pa luftë, teksa pastaj mposhti spanjollen, Ana Perez Box. Në gjysmëfinale triumfoi kundër Reka Pupp të Hungarisë.
Kampionia olimpike fitoi edhe 1800 pikë olimpike “Paris 2024”.
“BRAVO DISTRIA! Distria Krasniqi, për herë të katërt medaliste e artë në Mastersin e xhudos “Jerusalem 2022”. Kampionia olimpike shënoi katër fitore dhe një tjetër pa luftë. Krasniqi fitoi edhe 1800 pikë olimpike Paris 2024”, shkruan Komiteti Olimpik i Kosovës.
BRAVO D I S T R I A?????
Distria Krasniqi, për herë të katërt medaliste e artë në Mastersin e xhudos “Jerusalem 2022”. Kampionia olimpike shënoi katër fitore dhe një tjetër pa luftë.
Krasniqi fitoi edhe 1800 pikë olimpike Paris 2024. #judomasters #roadtoparis2024 pic.twitter.com/qNz7nIQrnF
— NOC KOSOVO ??? (@NOCKOSOVO) December 20, 2022
Në “Jerusalem 2022”, marrin pjesë 28 vende. Kosova merr pjesë me katër xhudiste femra.
Më shumë lajme
