Ndal lëndimeve për sportistët profesionistë, falë një teknologjie inovative që vlerëson aftësitë fizike dhe durimin e sportistëve në kohë reale.

Teknologjia që përdor videot dhe inteligjencën artificiale u zhvillua nga startapi izraelit Physimax.

Ja se si funksionon sistemi: duke qëndruar para kamerës së smartphone ose tabletës të lidhur me një laptop, ku është instaluar softueri Physimax, sportisti kryen një seri veprimesh siç janë mbledhjet trupore dhe kërcimet.

Teknologjia mat lëvizjen dhe funksionin muskujve dhe skeletit të trupit të njeriut, për të identifikuar faktorët e rrezikut dhe për të përmirësuar aftësinë atletike.

Inteligjenca artificiale lejon Physimax të krahasojë imazhet e fituara me të dhënat e ruajtura në “cloud”.

E gjithë kjo mund të ndihmojë në identifikimin e vlerave të tilla si mungesa e ekuilibrit ose simetrisë, dobësisë ose kufizimeve në gamën e lëvizjes, problemet e muskujve dhe zonat me rrezikun më të madh të lëndimit.

Ekipi izraelit i çiklizmit “Start-Up Nation” po shqyrton testimin e sistemit përpara pjesëmarrjes së tij në muajin qershor në “Tour de France”.