Zëvendëskryeministrja e Shqipërisë, Belinda Balluku, njëherësh Ministre e Infrastrukturës dhe Energjisë, është takuar në Izrael me Ministrin e Energjisë, Infrastrukturës dhe Ujit, Israel Katz.

Sipas postimit të Ballukut, u diskutua për çështje të problematikave të përbashkëta, por edhe zgjidhjeve inteligjente të së ardhmes, gjithashtu veprimet që duhen ndërmarrë për rritjen e bashkëpunimit.

Postimi i Zv.Kryeministres Balluku

Takimi me Ministrin e Energjisë, Infrastrukturës dhe 💧Ujit ishte një moment i rëndësishëm i vizitës zyrtare në📍Jeruzalem. Diskutuam çështje të problematikave të përbashkëta, por edhe zgjidhjeve inteligjente të së ardhmes, gjithashtu veprimet që duhen ndërmarrë për rritjen e 🤝bashkëpunimit. Analizuam me skuadrat tona efektet ekonomike që kriza ka krijuar dhe diskutuam gjithashtu për bashkëpunim të mëtejshëm midis ekipeve përsa i përket çështjeve ekonomike dhe atyre të Cyber Security edhe në këto fusha të infrastrukturës kritike. Gjithashtu takova kompani të rëndësishme, të cilat japin zgjidhje inovative, si për sistemin e ujësjellësave edhe për agro-fotovoltaikët, teknologji të cilat po zhvillohen në të gjithë 🇪🇺Europën dhe në mbarë botën.🇮🇱🤝🇦🇱