Ky hotel nuk ndodhet as resortet e famshme të St.Moritz dhe as në Alpet Zvicerane, por në Shkrel, pranë Beshlve të Nemuna në Kosovën, që po tërheq gjithmonë e më shumë turistë të huaj, pasi është shndërruar në një nga destinacionet më të kërkuara në Ballkanin Perëndimor.

Hoteli me 5 yje, “Grand Hotel Belushi”, konsiderohet se është më i bukuri në Kosovë, pasi peizazhi ku ai ndodhet është spektakolar dhe përrallor mbi kodrat e gjelbra që rrethojnë Shkreli.

Eshtë një investim shumë serioz dhe madhështor tre vëllezërve Belushi, të cilët pas sukseseve të mëdha në Austri, ku qëndruan rreth 40 vjet, tashmë si biznesmenë shumë të suksesshëm kanë investuar në mbi 25 milionë euro, në Kosovë.

Të mirënjohur në Kosovë, Shqipëri, por edhe në Europë dhe SHBA, tre vëllezërit Belushi, vendosën që një projekt të tillë disa milionësh ta nisin pikërisht në zemër të bjeshkës së Rugovës, një nga atraksionet turistike më të kërkuara dhe të vizituara.

“Grand Hotel Belushi” është projekti më unik dhe më modern i klasit botëror i cili hapet për herë të parë në Kosovë.

Ai është i ndërtuar në mënyrë unike dhe i pozicionuar në mënyrë ideale me një pamje panoramike të malit të Rugovës, me qindra dhoma me ajër të kondicionuar me WiFi falas, parkim privat falas dhe shërbim në dhomë.

Miqtë që qëndrojnë në “Grand Hotel Belushi”, i cili i ka 5 yje, mund të shijojnë qasje në një kopsht dhe disa salla të përbashkëta.

“Grand Hotel Belushi” gjithashtu ofron sallat mc të mëdha në Kosovë për konferenca dhe seminare, palestër, sauna, bio sauna, sauna me avull, sauna infra të kuqe, dhoma me kripë, pishinë për të rritur dhe fëmijë, xhakuzi dhe dhomë relaksi me masazhe.

Gazeta Online “Izraeli Sot”, e cila ka lidhje me disa nga agjencisë më të mëdha turistike në Izrael, do ta promovojë “Grand Hotel Belushi”, për të sjellë turistë cilësorë izraelitët, ashtu si dhe ky hotel gjigant me 5 yje e meriton.