Diplomacia punon në heshtje për njohjen Izrael-Kosovë

Burime të dyfishta të gazetës “Izraeli Sot” nga Jeruzalemi dhe Prishtina konfirmuan jo vetëm procesin e përshpejtuar, por edhe detaje nga formulimi final i njohjes së shumë dhe të mirëpritur.


Të gjithë ata, që nuk e njohin mjaftueshëm “botën e nëndheshme” të diplomacisë dhe janë më të ambientuar zhurmën që prodhon politika, kanë të drejtë të mendojnë për një ngadalësim të procesit të njohjes reciproke midis Izraelit dhe Kosovës.

Në fakt, shtabet diplomatike të dy vendeve po punojnë intensivisht me kontakte dhe komunikime të rregullta ditore, për të finalizuar procesin e njohjes që do të kulmojë me një ceremoni dinjitoze.

Burime të dyfishta të gazetës “Izraeli Sot” nga Jeruzalemi dhe Prishtina konfirmuan jo vetëm procesin e përshpejtuar, por edhe detaje nga formulimi final i njohjes së shumë dhe të mirëpritur.

Kosova ishte vendi i vetëm i Ballkanit që nuk ishte njohur nga Izraeli, deri para 4 shtator 2020, kur Presidenti i Shteteve të Bashkuara, Donald Trump, i vendosi në tavolinë për firmë kryeministrit kosovar, Avdullah Hoti, njohjen reciproke me të gjitha atributet që rrjedhin nga marrëveshjet diplomatike dypalëshe.

Marrëveshja e firmosur në shtëpinë më të rëndësishme të botës, Shtëpinë e Bardhë, është një fitore gjeopolitike e shumëfishtë për vendin e vogël të Ballkanit Perëndimor dhe gjithashtu për shtetin e fuqishëm të Lindjes së Mesme.

Mesazhi publik i Kryeministrit të Izraelit, Benjamin Netanyahu, drejtuar popullit të Kosovës me rastin e aktivitetit e të organizuar në Prishtinë me rastin e Vitit të Ri Hebraik, Rosh Ha’Shana 5781, rikonfirmoi qëndrimin zyrtar të Shtetit të Izraelit, të shprehur me një fjali historike të njeriut që pritet të firmosë njohjen zyrtare: “Në këtë Vit të Ri, unë i shtrij dorën time të miqësisë popullit të Kosovës”.

Tashmë marrëdhëniet historike – Kosova shpëtoi hebrenjtë gjatë Luftës së Dytë Botërore – janë të përkthyer në marrëdhënie diplomatike.

Presidenti Hashim Thaçi, kryeministri Abdullah Hoti dhe kryeparlamentarja Vjosa Osmani kanë ritheksuar vullnetin për marrëdhënie të plota me Jerusalemin, përfshirë lidhjet ekonomike dhe vendosje e selisë diplomatike në kryeqytetin e Izraelit.

Kryeministri Benjamin Netanyahu, një njohës i mirë i gjeopolitikës botërore dhe vlerësues për atë që kanë bërë shqiptarët për hebrenjtë  dhe Ministria e Jashtme e Izraelit, e cila realizon në praktikë të gjitha modalitetet që nevojiten për të formuluar njohjen zyrtare, të shkruar në vetëm pak radhë, kanë kompletuar mesazhet diplomatike ndaj një vendi që e njohin si të barabartë, ashtu si edhe Republikën e Shqipërisë.

Kryeministri i Kosovës, Avdullah Hoti, deklaroi gjatë mbedhjes së përbashkët midis qeverive të Shqipërisë dhe Kosovës në Tiranë se, njohja nga ana e Jeruzalemit është mjaft e rëndësishme në procesin e konsolidimit të shtetit të Kosovës.

Ministrja e Jashtme e Kosovës, Meliza Haradinaj zhvilloi një bisedë telefonike me Ministrin e Jashtëm të Izraelit, Gabi Ashkenazi. Biseda 30-minutëshe u fokusua në vendosjen e marrëdhënieve diplomatike Kosovë-Izrael, ndërkohë që diplomatja e njohur kosovare me orgjinë hebreje, Ines Demiri, është emëruar si e Ngarkuar me Punë e Republikës së Kosovës në Izrael.

Ndërsa vullneti politik midis dy vendeve është rikonfirmuar disa herë, në selinë më të larta të dy shteteve janë duke u përpunuar aktet e formalizmit të nevojshëm në korrespodencën diplomatike dhe arkivore.

 

 

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

IZRAEL

Shefi i Mossad, Yossi Cohen: Jemi në kontakt me shumë vende në Lindjen e Mesme

Shefi i Mossad, Yossi Cohen, tha gjatë një intervistë për televizionin publik izraelit, KAN: "Ne jemi në kontakt me shumë…

SHQIPËRI

Forumi Ballkani 2020 Kundër Antisemitizmit në Tiranë, Yuri Kim: Pres me padurim fjalën e Mike Pompeo!

Ambasadorja e SHBA-ve në Tiranë, Yuri Kim, ka reaguar pas lajmit se Sekretari Amerikan i Shtetit Mike Pompeo do të…

KOSOVA

Kosova dhe Izraeli diskutojnë për detajet e vendosjes së Marrëdhënieve Diplomatike

Të dyja palët diskutuan edhe aspektet teknike-logjistike për aranzhimin e vizitës së parë zyrtare në Shtetin e Izraelit të delegacionit…

INTERVISTA

Ambasadori Gendler: Së shpejti Izraeli hap ambasadën në Prishtinë

Ambasadori i Izraelit në Tiranë, Noah Gal Gendler, ka folur në një intervistë të posaçme për Vizion Plus, për njohjen…

MILIARDERËT

“Djemtë e artë”, katër hebrenj në dhjetë më të pasurit e botës

CEO i Facebook, Mark Zuckerberg, kryeson listën hebreje me një vlerë neto prej 85 miliardë dollarësh, i ndjekur nga gjiganti…

SPYZONE

Shefi i Mossad, Yossi Cohen: Jemi në kontakt me shumë vende në Lindjen e Mesme

Shefi i Mossad, Yossi Cohen, tha gjatë një intervistë për televizionin publik izraelit, KAN: "Ne jemi në kontakt me shumë…