Filmi “Moondrops” i regjisorit izraelit Yarom Ever-Hadani fiton në Festivalin “DEA OPEN AIR” në Tiranë

Regjisorit Yarom Ever-Hadani ende i bën habi sesi një  film pa dialog, i shkruar dhe konceptuar  në Izrael, i xhiruar në Beograd me aktorë serbë dhe muzikë e regjistruar nga muzikantë çekë, mund të kalojë kufijtë dhe të prekë shikuesit në të gjithë botën. Pas 68 përzgjedhjesh zyrtare, 28 çmimesh, mes tyre edhe “Comic Con” në Festivalin e Filmit të San Diegos, filmi me metrazh të shkurtër  “Moondrops” – (Pika hëne),  shpallet fitues edhe në Tiranë, në edicionin e shtatë të “DEA OPEN AIR”.


Regjisorit Yarom Ever-Hadani ende i bën habi sesi një  film pa dialog, i shkruar dhe konceptuar  në Izrael, i xhiruar në Beograd me aktorë serbë dhe muzikë e regjistruar nga muzikantë çekë, mund të kalojë kufijtë dhe të prekë shikuesit në të gjithë botën.

Pas 68 përzgjedhjesh zyrtare, 28 çmimesh, mes tyre edhe “Comic Con” në Festivalin e Filmit të San Diegos, filmi me metrazh të shkurtër  “Moondrops” – (Pika hëne),  shpallet fitues edhe në Tiranë, në edicionin e shtatë të “DEA OPEN AIR”.

Një punëtor fabrike  i lodhur nga puna e tij në udhë pa krye, monton  një makineri enigmatike që prodhon pika të lëngshme nga hëna. Pikat në shishe janë shitje e vështirë në tregun e qytetit. Por gjithçka ndryshon  kur zbulohet efekti i tyre befasues.

Një  përrallë  16 minutash, që të shkëput  nga bota  e zhurmshme e të zhyt një histori  pa dialog, me muzikë të shkëlqyeshme origjinale, regjistruar nga Filarmonia e Pragës.

Regjisori izraelit, i njohur si udhëheqës i një sërë fushatash të rëndësishme komerciale, është shprehur se filmi “Moondrops” ishte  mundësia e tij për të bërë diçka jo vetëm kinematike, por edhe humane. “Nga këndvështrimi i historisë, shqetësohesha nëse njerëzit e mirë mund të përfundojnë duke bërë një gjë të keqe pa qëllimin për ta bërë dhe pa një arsye të vërtetë. Kisha një ëndërr të bëja një dramë pa dialog”, thotë Yarom Ever-Hadani, i cili e ka sjellë këtë përmes një përralle të thjeshtë. Ai zgjedh  rrethimin komunist të Beogradit, një fabrikë dhe një hënë. Larg nga çdo jetë urbane perëndimore, për ta kontrolluar atë në qasjen më të pastër njerëzore.

Regjisori thekson  se filmi i tij nuk është film i heshtur, por pa dialog.Filmi është pritur mirë nga kritika  e të gjitha vendeve, ku është shfaqur , ndërsa regjisori pyetet vazhdimisht pse përralla e tij nuk ka një fund të lumtur.Ai thotë se filmi i tij ngre pyetje për diskutim jo vetëm për fundin dhe zgjedhjen e regjisorit për të mos pasur dialog, por edhe pse është xhiruar në grupe komuniste.

“Do të doja që njerëzit të kalonin në 16 minuta në një mënyrë tjetër, me më pak zhurmë, me më shumë muzikë, më shumë dashuri dhe një nocion më të ndjeshëm për njëri-tjetrin. Pastaj ata mund ta harrojnë atë dhe të kthehen në jetën e tyre të Facebook-ut  ose Instagram-it . 16 minuta kohë për të udhëtuar  në ëndrrat e mia është mjaft e gjatë për mua. Edhe pse kam shumë njerëz që thonë se filmi qëndroi me ta”, thotë regjisori, i cili gjithashtu është autor i një romani dhe i pesë librave për fëmijë.

Të tjerë fitues të rëndësishëm në këtë edicion të Festivalit Ndërkombëtar të Filmit “Dea Open Air” ishin “Cirku Fluturues” i regjisorit Fatos Berisha dhe katër aktorët protagonistë Tristan Halilaj, Shkumbin Istrefi, Shpëtim Selmani, Afrim Muçaj, ndërsa  regjisori më i mirë u zgjodh Andrea Zaccariello për filmin “Nuk jam vrasës”.

Burimi: Gazeta “SI”

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

IZRAEL

Si ndikojnë votat hebraike në zgjedhjet amerikane

Tradicionalisht, Izraeli gëzon një mbështetje të gjerë nga partitë Demokratike dhe Republikane në Shtetet e Bashkuara, dhe mbrojtja ose shprehja…

SHQIPËRI

Ambasadori Gendler takon rektorin Kasa: Izraeli me projekte për sportin në Shqipëri

Ambasadori i Izraelit në Tiranë, Z. Noah Gal Gendler realizoi sot në ambientet e Universitetit të Sporteve të Tiranës një…

KOSOVA

Kosova dhe Izraeli diskutojnë për detajet e vendosjes së Marrëdhënieve Diplomatike

Të dyja palët diskutuan edhe aspektet teknike-logjistike për aranzhimin e vizitës së parë zyrtare në Shtetin e Izraelit të delegacionit…

INTERVISTA

Ambasadori Gendler: Së shpejti Izraeli hap ambasadën në Prishtinë

Ambasadori i Izraelit në Tiranë, Noah Gal Gendler, ka folur në një intervistë të posaçme për Vizion Plus, për njohjen…

MILIARDERËT

“Djemtë e artë”, katër hebrenj në dhjetë më të pasurit e botës

CEO i Facebook, Mark Zuckerberg, kryeson listën hebreje me një vlerë neto prej 85 miliardë dollarësh, i ndjekur nga gjiganti…

SPYZONE

Shefi i Mossad, Yossi Cohen: Jemi në kontakt me shumë vende në Lindjen e Mesme

Shefi i Mossad, Yossi Cohen, tha gjatë një intervistë për televizionin publik izraelit, KAN: "Ne jemi në kontakt me shumë…