Dita e Holokaustit, Xhaçka: Krenarë për shqiptarët për shpëtimin e hebrenjve

Ministrja e Punëve të Jashtme, Olta Xhaçka përmes një statusi në Facebook në Ditën Ndërkombëtare të Përkujtimit të Holokaustit tha se sot është pikërisht dita kur nderohen miliona jetë të humbura.

Ajo shton se kurrë nuk duhet të harrojmë apo të ulim vigjilencën në luftën tonë ndaj antisemitizmit.

STATUSI I PLOTE

Sot, në Ditën Ndërkombëtare të Përkujtimit të Holokaustit, nderojmë miliona jetë të humbura, si dhe të gjithë ata që dolën kundër të keqes më të madhe të kohës.

Kurrë nuk duhet të harrojmë apo të ulim vigjilencën në luftën tonë ndaj antisemitizmit. Thellësisht krenarë për Shqipërinë, shqiptarët dhe shërbimin diplomatik në misionin e shpëtimit të hebrenjve! ??