“Miqtë e rremë”/ Liga Arabe dënon vendimin e Kosovës për hapjen e ambasadës në Jerusalem

Parlamenti arab, që është organi legjislativ i Ligës Arabe, ka dënuar “njohjen e Jerusalemit si kryeqytet të Izraelit nga Kosova”. Liga Arabe po ashtu ka dënuar vendimin që Kosova të vendosë ambasadën e saj në Jerusalem, raporton agjencia shtetërore e lajmeve të Jordanit, Petra.


Parlamenti arab, që është organi legjislativ i Ligës Arabe, ka dënuar “njohjen e Jerusalemit si kryeqytet të Izraelit nga Kosova”. Liga Arabe po ashtu ka dënuar vendimin që Kosova të vendosë ambasadën e saj në Jerusalem, raporton agjencia shtetërore e lajmeve të Jordanit, Petra.

Kjo Ligë i bëri thirrje Kosovës që të heqë dorë nga vendimi i saj “kundërthënës që shkel ligjin ndërkombëtar” dhe kërkoi nga Prishtina zyrtare që t’i përmbahet rezolutave ndërkombëtare mbi Jerusalemin.

Kryetari i Parlamentit arab, Adel Assomi ka theksuar se vendimi i Kosovës për ta njohur Jerusalemin, nuk ka ndikim ligjor në kuptimin se nuk do ta ndryshojë status quo-n historike të qytetit, duke shtuar se fati i Jerusalemit mund të përcaktohet vetëm përmes negociatave dhe jo përmes vendimeve të njëashme, që sipas tij, shkelin ligjin ndërkombëtar.

Liga Arabe është themeluar më 1945 dhe përbëhet nga 22 shtete anëtare, ku përfshihen Egjipti, Jordani, Kuvajti, Palestina, Emiratet e Bashkuara Arabe, Bahrejni, e të tjera.

Më 1 shkurt, Kosova dhe Izraeli formalizuan vendosjen e marrëdhënieve diplomatike, vendim ky, që nga dy shtetet u cilësua si historik.

Njohja e Kosovës nga Izraeli është pjesë e Marrëveshjes së Uashingtonit të arritur më 4 shtator, 2020.

Kosova ka thënë se do ta hapë së shpejti ambasadën e saj në Jerusalem dhe ambasadore pritet të jetë Ines Demiri. Ndërkaq, Serbia, që nënshkroi marrëveshjen e 4 shtatorit, po ashtu është zotuar se do ta zhvendosë ambasadën e saj nga Tel Avivi në Jerusalem, por Beogradi zyrtar nuk ka ndërmarrë asnjë veprim konkret deri më tani.

Bashkimi Evropian e ka cilësuar si “fatkeq” vendimin e Kosovës që ta vendosë ambasadën e saj në Jerusalem, pasi blloku evropian thotë se e konsideron si “të pazgjidhur” statusin e këtij qyteti./REL

Lexo më shumë

Kompania izraelite LR Group, projekt investimesh në Shqipëri

Ministri i Ekonomisë, Kulturës dhe Inovacionit, Blendi Gonxhja, priti Ambasadoren e Izraelit në Shqipëri, Galit Peleg.

Izrael

Fyejti Holokaustin, Izraeli shpall “non grata” presidentin e Brazilit

Kryeministri Benjamin Netanyahu i përshkroi fjalët e presidentit Luiz Inácio Lula da Silva si “të turpshme”.

Shqipëri

Dita Ndërkombëtare e Gruas, ambasadorja Kumbe fjalim në Universitetin e Haifës

Ambasadorja e Shqipërisë në Izrael, Meri Kumbe, ishte e ftuar të fliste në Universitetin e Haifës në kuadër të Ditës…

Kosove

Ceremoni solemne në Prishtinë, për Ditën Përkujtimore të Holokaustit

Marin pjesë Presidentja Osmani, kryeministri Kurti dhe ambasadorja e Izraelite në Kosovë, Tamar Ziv.

OPED

Populli ynë ka qenë dhe do të mbetet krah popullit hebre

Sot shënohet Dita e Përkujtimit të Holokaustit, ditë që përbashkon gjithë botën në kujtim të viktimave

Bota

Shuhet legjenda e diplomacisë amerikane, Henry Kissinger

Vdiq në moshën 100-vjeçare. Kissinger dominoi politikën e jashtme të SHBA në kulmin e Luftës së Ftohtë.

Spyzone

Ushtria e Izraelit rrethon komandën qëndrore të Hamasit

Marina gjithashtu kreu dhjetëra sulme përgjatë bregut të Gazës, duke ndihmuar forcat tokësore.