“Shalom” nga ambasadorja e Kosovës në SHBA. Vlora Çitaku, vizitë zyrtare në Izrael
Ambasadorja e Kosovës në Shtetet e Bashkuara të Amerikës, Vlora Çitaku, do të bëjë një vizitë zyrtare në Izrael, e ftuar nga Komiteti Hebraik Amerikan – American Jewish Committee (AJC).
“Shalom” dhe dy flamuj: Kosovë dhe Izrael.
Kështu e ka shoqëruar mesazhin e saj në Twitter, ambasadorja e Kosovës në Shtetet e Bashkuara të Amerikës, Vlora Çitaku, e cila ka paralajmruar se do të bëjë një vizitë zyrtare në Izrael.
Ajo është ftuar nga Komiteti Hebraik Amerikan – American Jewish Committee (AJC).
Çitaku do të jetë diplomatja e parë kosovare në Izrael.
“Derisa po bëhem gati për të vizituar Izarelin përmes Komunitetit Hebraik Amerikan, si diplomatja e parë nga Kosova që është ftuar si mysafir, nuk mund të mos i kujtoj mesazhet e fuqishme të mbështetjes së Izraelit ndaj Kosovës në orët tona më të errëta” shkruan Çitaku.
Postimit të saj i ka bashkangjitur një video nga fjalimi i kryeministrit të Izraelit, Benjamin Netanyahu.
As I head to visit #Israel with @AJCGlobal as the first diplomat from #Kosovo to have been invited as a guest, I cannot but remeber the powerful messages of support that came from #Israel to #Kosovo in our darkest hour of need!
Shalom ?? ?? https://t.co/tapVedIwFj
— Vlora Çitaku (@vloracitaku) July 6, 2019