Tirane, 26 Maj /ATSH-E,Xhajanka/- Shqipëria dhe Izraeli synojnë rritjen dhe forcimin e mëtejshëm të bashkëpunimit në fushën e bujqësisë dhe agrobiznesit. Ministri i Bujqësisë Zhvillimit Rural dhe Administrimit të Ujërave Edmond Panariti dhe homologu i tij Izraelit Yiar Shamir, morën pjesë sot paradite në takimin e agrobiznesit Shqipëri-Izrael, që zhvilloi punimet Tiranë, me pjesëmarrjen e krerëve të kompanive të fuqishme izraelite dhe shqiptare që operojnë në fushën e bujqësisë.

Ministri Panariti, gjatë fjalës së tij, duke vlerësuar vizitën e homologut izraelit në Shqipëri, tha se, prezenza e z. Shamir konfirmon vullnetin e shtetit Izraelit për intensifikimin e marrëdhënieve të bashkëpunimit mes dy vendeve në fushën e bujqësisë”. Shteti i Izraelit sot është shumëi pranishëm në Shqipëri, ku padyshim tha ministri Panariti, vend kryesor zë fusha e bujqësisë.Takimi i Agro biznesit & KASH.

“Në prioritet të bashkëpunimit dypalësh mes dy vendeve, zë rritja e investime me impakt në rritjen e konkurrueshmërisë së prodhimeve bujqësore shqiptare dhe futja e teknologjive të përparura”, tha Panariti.

Shqipëria është projektuar drejt të ardhmes së saj evropiane theksoi kreu i Bujqësisë, ndërsa ftoi investotët izraelitë të shtojnë sipërmarrjet në tregun bujqësor dhe agropërpunimin shqiptarë.

Nga ana e tij, ministri Shamir shprehu gadishmërinë për forcimin e bashkëpunimi në fushën e bujqësisë, por dhe në sektorë të tjerë të rëndësisshëm. “Jemi këtu për njëprezantim të thjeshtë të bashkëpunimit mes Shqipërisë dhe Izraelit, mbi bazën e së cilës synojmë të ringremë ura të reja të zhvillimit dypalësht”- tha ministri Shamir duke nënvizuar se Izraeli mund ti ofrojë bujqësisë shqiptare asistencë dhe bashkëpunim në fushën e teknologjisë së lartë të prodhimit bujqësor, akuakulturës, dhe prodhimeve bio.

Në këtë takim u prezantuan eksperiencat izraelite në fushën e bujqësisë, arritjet teknologjike e shkencore të Izraelit dhe zhvillimi i bashkëpunimit mes Shqiperisë e Izraelit në fushën e agrobujqësisë./a.g/