Sekretari Pompeo: SHBA falënderon Kosovën për njohjen e Hezbollahut si një organizatë terroriste

Sekretari amerikan i Shtetit, Mike Pompeo, tha në një mesazh në Twitter se, u bënë thirrje të tjerëve të bashkohen me Kosovën dhe ta ndalojnë këtë grup terrorist nga financimi i operacioneve të tij të përgjakshme.


Vendimi i Kosovës për njohjen e Hezbollah si një organizatë terroriste, vazhdon të marrë mbështetje nga e gjithë bota.

Sekretari i Shtetit, Mike Pompeo, tha në një mesazh në Twitter se Shtetet e Bashkuara e mirëpresin përcaktimin e Kosovës të Hezballahut si një organizatë terroriste, dhe se u bën thirrje vendeve të tjera të bashkohen me Kosovën.

“SHBA mirëpret përcaktimin nga ana e Kosovës të Hezbollahut si një organizatë terroriste. Me mbështetjen e Iranit, Hezbollah vazhdon të planifikojë sulme në Europë dhe në mbarë botën. Ne i bëjmë thirrje të tjerëve të bashkohen me Kosovën dhe ta ndalojnë këtë grup terrorist nga financimi i operacioneve të tij të përgjakshme”, shkruan Sekretari Pompeo.

 

 

Edhe Presidenti i Kongresit Botëror Hebraik (World Jewish Congress), Ronald Lauder, e përshëndeti vendimin e Kosovës për njohjen e Hezbollah si një organizatë terroriste.

Lauder tha, “Ne e vlerësojmë Kosovën për mbështetjen e saj për këtë qëllim. Vendimi i saj për të bërë këtë gjë vjen në një pikë vendimtare në histori, teksa ne shënojmë 25 vjet që nga bombardimet e vitit 1994 të qendrës hebreje AMIA në Buenos Aires, të cilat vranë 85 veta dhe plagosën qindra të tjerë.
Lauder kërkoi që “qeveritë dhe organizatat ndërkombëtare në mbarë botën të ndjekin rrugën e Kosovës, për të siguruar që kurrë të mos dorëzohemi ndaj këtyre terroristëve”. Hezbollahu shpërtheu një autobus turistik izraelit në vitin 2012 në Burgas të Bullgarisë, duke vrarë pesë izraelitë dhe shoferin e tyre mysliman-bullgar të autobusit bullgar.

Drejtoresha e Komitetit Amerikano-Hebraik (AJC – American Jewish Comittee), dega Izrael, zonja Avital Leibovich, e falenderoi në mënyrë publike Presidentin e Kosovës, Hashim Thaçi, për njohjen e Hezbollah si një grup terrorist.

“Faleminderit Presidenti i Kosovës, Hashim Thaçim për njohjen e Hezbollah si një grup terrorist. Shpresoj që kjo do ta sjellë Izraelin dhe Kosovën më afër”, shkruan Leibovich në Twitter.

Shpëtimi i hebrenjve, Shqipëria shpallet “Shtëpi e Jetës”

Fondacioni Ndërkombëtar “Raoul Wallenberg” përuron në Tiranë pllakatin në Ditën Ndërkombëtare të Kujtesës

IZRAEL

Netanyahu zyrtarisht hyn në historinë izraelite si kryeministri më jetëgjatë në shërbim

Që prej të shtunës, kryeministri 69-vjeçar ka shërbyer si udhëheqës i vendit për një total prej 4.876 ditësh, duke tejkaluar…

SHQIPËRI

Ambasadori i Izraelit, Boaz Rodkin: Shqipëria ka potenciale të mëdha

“Në këto katër vjet, ishte privilegji im të udhëheqja ambasadën gjatë një periudhe sfiduese dhe unike, përkushtimin ndaj të ardhmes…

KOSOVA

Ambasadorja kosovare në SHBA, Vlora Çitaku: Populli ynë ka si shembull Izraelin

Gazetari amerikano-izraelit, Larry Luxner, editor i lajmeve në “Washington Diplomat”, ka intervistuar Vlora Çitakun ambasadoren e Kosovës në Shtetet e…

INTERVISTA

Kreu i American Jewish Committee, David Harris: E ardhme e ndritur midis Izraelit dhe Shqipërisë

Drejtori Ekzekutiv i Komitetit Amerikan hebraik (American Jewish Committee - AJC) dhe një delegacion 15-anëtarësh i AJC-së bënë një vizitë…

MILIARDERËT

Roman Abramovich blen shtëpi 63 milionë dollarë në Izrael

Miliarderi ruso-izraelit, Roman Abramovich, është i vendosur të blejë një shtëpi në Herzliya për 63 milionë dollarë nga menaxherja e…

SPYZONE

Israel Aerospace nënshkruan kontratë 50 milionë dollarë me Marinën Indiane

Marrëveshja përfshin një gamë të mirëmbajtjes dhe shërbime të tjera për nën-sistemet e raketave ajrore të mesme tokë-ajër të Israel…