Check-in në Izrael, zbuloni “Tokën e Premtuar”

Emisioni i njohur i televizionit Klan, “Check-in”, i drejtuar nga Dorjan Daka dhe Albana Nanaj, i ka kushtuar një emision special Izraelit, për të zbuluar dhe kuptuar shpirtin e “Tokës së Premtuar”.

Emisioni i njohur i televizionit Klan, “Check-in”, i drejtuar nga Dorjan Daka dhe Albana Nanaj, i ka kushtuar një emision special Izraelit, për të zbuluar dhe kuptuar shpirtin e “Tokës së Premtuar”.

Izraeli, nuk është për turistët vetëm një destinacion hyjnor, por me dritëhijet dhe ekstravagancat e tij, jo shumë të njohura por të gjitha për t’u zbuluar.

Ndaj udhëtimin e tyre në Izrael, Albana Nanaj dhe Dorina Daka, e nisën nga Tel Avivi, qyteti i bardhë, i dyti për nga madhësia pas Jeruzalemit, i cili çdo vit vizitohet nga 2.5 milionë turistë.

Një qytet gjithmonë në ndryshim, modern, rinor dhe mbi 100 vite jetë.

Albana Nanaj: Deti, ndërtesat gjigante, njerëzit që marrin rreze dielli në këto plazhe të bukura, gjithçka perfekte.

Dorina Daka: Janë të bekuar me një klimë të ngrohtë me diell, me pak erë gjatë gjithë vitit, pjesës më të madhe të tij. Mund të frekuentohet për pushime në çdo stinë të vitit.

Tel Avivi ose kodra e pranverës për hebrenjtë, është një nga qytetet më të vizituara në botë, në nivel turistik. Nëse rri dy ditë është këndshëm, por nëse rri një javë ke bërë një zbulim.

Në fakt në turet klasike në zbulim të Tokës së Shenjtë, Tel Avivi vizitohet një ose dy ditë qëndrim. Ndërsa për ata që duan ta shijojnë më shumë mund të qëndrojnë edhe më shumë në hotelet në breg të detit dhe ta jetojë qytetin 360 gradë.