Kompania izraelite AID Genomics i ofron Shqipërisë bashkëpunim në ofrimin e teknologjisë për testimin e COVID-19, me anë të Laboratoreve PCR si dhe Testimit COVID-19 në aeroporte.

Propozimi erdhi pas nje takimi virtual ne platformen Zoom midis përfaqësuesve të kompanisë izraelite dhe përfaqësuesve të Ministrisë së Shëndetësisë dhe Mbrojtjes Sociale, zëvendësministrja Mira Rakacolli dhe znj. Geraldina Prodani, Sekretare e Përgjithshme.

“Sot, u zhvillua nje takim virtual ne platformen Zoom mbi propozimin e kompanisë Izraelite AID Genomics, për bashkëpunim në ofrimin e teknologjisë

për testimin e COVID-19, me anë të Laboratoreve PCR si dhe Testimit COVID-19 në aeroporte. Në takim morën pjesë përfaqësues të Ministrisë së Shëndetësisë dhe Mbrojtjes Sociale, zëvendësministrja Mira Rakacolli dhe znj. Geraldina Prodani, Sekretare e Përgjithshme.

Takimi u fokusua në prezantimin e kompanisë izraelite, të shërbimeve që ata mund të ofrojnë për Shqipërinë, konkretisht ngritjen e laboratorëve për testimin e COVID-19 në Aeroporte apo lokacione të tjera, metodologjinë e testimit, kohën e marrjes së rezultatit, efektshmërinë e testimit etj”, thuhet në njoftimin e ambasadës shqiptare në Izrael.