Izraeli fiton Festivalin Europian 2018. Neta Barzilai zuri vendin e parë me këngën “Toy” me 529 pikë, ndërkohë që në vend të dytë u rendit Qipro me performancën e këngëtares me origjinë shqiptare, Eleni Fuererës me këngën “Fuego”, e cila grumbulloi 436 pikë.

Italia me Ermal Metën dhe Fabrizio Moro u rendit e  pesta me 308 pikë, ndërsa Shqipëria me Eugent Bushpepën në vendin e 11-të me 184 pikë.

Vitin e ardhshëm Festivali Europian 2019 do të zhvillohet në Izrael. Izraeli e ka organizuar më parë edhe dy herë Eurovizion Song Contest: 1979 (Jerusalem, fitoi çmimin e parë) dhe 1990 (Jerusalem, zuri vendin e pestë).

Kryeministri i Izraelit, Benjamin Netanyahu shprehu urimin e tij: “Neta, ti nje lule e vertete. Solle shume krenari per shtetin e Izraelit. Vitin e ardhshem ne Jeruzalem”.

Izraeli ka marrë pjesë në Eurovizion Song Contest nga viti 1973 dhe e ka fituar katër herë atë.

Në vitin 1978 (22 prill), në festivalin e zhvilluar në Paris fitoi me këngëtarin Izhar Cohen dhe grupin Alphabeta me këngën e fashme “A-Ba-Ni-Bi”. Izraeli grumbulloi 157 pikë, 32 më shumë se Belgjika e vendit të dytë.

Në vitin 1979 (31 mars), në festivalin e zhvilluar në Jerusalem, Izraeli fitoi vendin e parë me këngëtrarin Gali Atar dhe Milk and Honey, me këngën e njohur “Hallelujah”. Izraeli grumbulloi 125 pikë, 9 më shumë se Spanja.

Në vitin 1998 (9 maj), Izraeli fitoi në Birmingam të Anglisë me këngën “Diva” të ekzekutuar nga Dana International, duke grumbulluar 172 pikë, 6 më shumë se Anglia, e dyta.

Në vitin 2018 (12 maj), Izraeli fitoi në Lisbonë të Portugalisë me këngën “Toy”, të kënduar nga Netta Barzilai.