Edhe Izraeli e njeh president Guaidon: Faleminderit Netanyahu!

Juan Guidado është njohur president interim i Venezuelës edhe nga SHBA-të, Kanadaja, Shqipëria dhe Kosova

Presidenti interim i Venezuelës, Juan Guaido, falënderoi Benjamin Netanyahun pas njohjes që i bëri kryeministri i Izraelit, përmes një mesazhi video.

Duke iu referuar Ditës Ndërkombëtare të Përkujtimit të Holokaustit që u përkujtua të dielën, dita kur Netanjahu njoftoi njohjen e Guaidos, politikani venezuelian shkroi në Twitter:

“Kampi i përqendrimit në Auschwitz u çlirua 74 vjet më parë dhe sot, ashtu siç po lufton edhe vendi ynë për lirinë e tij, falënderojmë Kryeministrin e Izraelit Benjamin Netanjahu për njohjen dhe mbështetjen”.

Të dielën, Netanyahu gjatë videodeklaratës së tij, tha se “Izraeli bashkohet me Shtetet e Bashkuara, Kanada, shumica e vendeve të Amerikës Latine dhe vendet në Evropë në njohjen e udhëheqjes së re në Venezuelë”.

Në Venezuelë jetojnë aktualisht rreth 6 mijë hebrenj, të cilët në të kaluarën kanë qenë objekt i disa incidenteve antisemite.

Në vitin 1999 jetonin rreth 25 mijë, por një pjesë e madhe u larguan nga vendin për shkak të politikave të ish-presidenti Hugo Chavez, i cili njihej si antisemitist.